বৰপেটা, ০৯ জানুৱাৰী (হি.স.)। বৰপেটা জিলা আৰক্ষীৰ উদ্যোগত চেঙাত পথ দুৰ্ঘটনা সজাগতামূলক বাটৰ নাট প্ৰদৰ্শন কৰা হয়। বৰপেটা জিলা আৰক্ষীৰ উদ্যোগত পথ দুৰ্ঘটনা সজাগতামূলক অভিযান চলোৱা হয় । বাটৰ নাট প্ৰদৰ্শনেৰে জিলাখনৰ বিভিন্ন প্ৰান্তত পথ দুৰ্ঘটনা সজাগতামূলক বাটৰ নাট প্ৰদৰ্শন কৰা হয়।

জিলাখনৰ তাৰাবাৰী থানাৰ অন্তৰ্গত চেঙা চক বজাৰত আজি বৃহস্পতিবাৰে প্ৰদৰ্শন কৰা হয় বাটৰ নাট। পৰিবহন বিভাগৰ নীতি-নিয়মসমূহ বাটৰ নাটৰ জৰিয়তে ৰাইজক বুজাবলৈও প্ৰয়াস কৰে অভিনয়ৰ মাধ্যমেৰে। বাটৰ নাটখনত অভিনয় কৰে জনপ্ৰিয় অভিনেত্ৰী দেৱযানী গায়ন, জনপ্ৰিয় অভিনেতা ধীৰাজ দাস, চন্দন দাস, দিগন্ত দাস আৰু উৎপল ভূঞাই। দুৰ্দান্ত বাইক চালকৰ চৰিত্ৰত অভিনয় কৰে সাংবাদিক প্ৰণয় বৈশ্যই।

বাটৰ নাট সমাপ্ত হোৱাৰ পাছত ৰাইজক উদ্দেশ্যি সজাগতামূলক ভাষণ প্ৰদান কৰে তাৰাবাৰী থানাৰ ভাৰপ্ৰাপ্ত আৰক্ষী বিষয়া মৃণাল শৰ্মাই।

---------------

হিন্দুস্থান সমাচাৰ / নিৰ্মলেন্দু