নগাঁও, ০৮ জানুৱাৰী (হি.স.)। দালালে ছাঁনি ধৰিছে নগাঁও জিলাৰ বটদ্ৰৱা আৰক্ষী থানা। কোনে কোনে দালালি কৰে বটদ্ৰৱা আৰক্ষী থানাত? সংগঠনৰ নাম লৈ অসাধু নেতা,পালি নেতা, সাংবাদিকৰ নাম লৈ ভুৱা সাংবাদিক, গাওঁৰক্ষী বাহিনীৰ নাম লৈ সম্পাদককে প্ৰমুখ্যে কৰি এক দীঘলীয়া তালিকা ।

শেহতীয়াকৈ নগাঁও আৰক্ষীৰ জালত পৰিছে নিজকে চেটেলাইট চেনেলৰ সাংবাদিক বুলি চিনাকি দি দাবী দমকি আৰু ব্লেক মেইলৰ জৰিয়তে অবৈধ বাবে ধন সংগ্ৰহ কৰি অহা বটদ্ৰৱাৰ হাইডুবী গাঁৱৰ কুখ্যাত দালাল ছাদ্দাম হুছেইন। ছাদ্দাম হুছেইনৰ লগতে আন দুজন কুখ্যাত দালালক নগাঁও আৰক্ষীয়ে যোৱা নিশা গ্ৰেপ্তাৰ কৰি আজি জেল হাজোতলৈ প্ৰেৰণ কৰিছে। জানিব পৰা মতে,আতিকুল ইছলামৰ লগতে আৰু এজন দালাল পলাতক হৈ আছে বুলি জানিব পৰা গৈছে।

হিন্দুস্থান সমাচাৰ / কিশোৰ মিশ্ৰ