ওদালগুৰি, ০৩ জানুৱাৰী (হি.স.)। গোৰেশ্বৰৰ নাওকাটা মিলন উচ্চতৰ মাধ্যমিক বিদ্যালয়ৰ দুই কৃতী শিক্ষকক আজি বিদায় সম্বৰ্ধনা। অবসৰী বিজ্ঞান শিক্ষক তথা শৈক্ষিক তত্বাৱধায়ক ৰবিৰাম বসুমতাৰী আৰু কলা শাখাৰ সহকাৰী শিক্ষক তথা শৈক্ষিক তত্বাৱধায়ক ৰবীন্দ্ৰ কুমাৰ ডেকাক আনুষ্ঠানিকভাৱে বিদায় সম্বৰ্ধনা জ্ঞাপন।
আজি বিদ্যালয় খনৰ অৱসৰপ্ৰাপ্ত শিক্ষক খীলেন ডেকাৰ সভাপতিত্বত বিদ্যালয় প্ৰাঙ্গনত অনুষ্ঠিত এখন সভাত বিদ্যালয় কতৃপক্ষৰ লগতে বিদ্যালয় পৰিচালনা সমিতি, ছাত্ৰ একতা সভা আৰু বৰ্তমানৰ তথা বহু সংখ্যক প্ৰাক্তন ছাত্ৰ-ছাত্ৰীয়ে অশ্ৰুশিক্ত নয়নেৰে দুয়োগৰাকী অৱসৰপ্ৰাপ্ত শিক্ষকক বিদায় সম্বৰ্ধনা জনায়। সভাত দুয়োগৰাকী শিক্ষকে বিদ্যালয় খনত আগবঢ়োৱা শৈক্ষিক অৱদানৰ বিষয়ে অধ্যক্ষ আৰু কেইবাগৰাকী শিক্ষকে ভাষণ প্ৰসঙ্গত উল্লেখ কৰে। সভাত বিদ্যালয় খনৰ অধ্যক্ষ ৰবিৰাম ব্ৰহ্ম, শিক্ষক ক্ৰমে গংগা প্ৰসাদ আচাৰ্য, ভাগ্যধৰ ব্ৰহ্ম, প্ৰদীপ বসুমতাৰী, বীৰেন বড়ো, ৰবীন স্বৰ্গীয়াৰীকে ধৰি শিক্ষক-কৰ্মচাৰী, কেইবাগৰাকী প্ৰাক্তন শিক্ষক আৰু ছাত্ৰ-ছাত্ৰী সকল উপস্থিত থাকে।
হিন্দুস্থান সমাচাৰ / কিশোৰ মিশ্ৰ
