ধৰমপুৰ, ২৭ এপ্ৰিল (হি.স.)। শনিবাৰে গুজৰাটৰ ভালছাদ জিলাৰ ধৰমপুৰৰ দৰবাৰ গড় চৌহদত সভাক ভাষণ প্ৰদান কৰে কংগ্ৰেছৰ ৰাষ্ট্ৰীয় সাধাৰণ সম্পাদক প্ৰিয়ংকা গান্ধী ভাদ্ৰাই। চুৰাট বিমানবন্দৰ পোৱাৰ পাছত হেলিকপ্টাৰখনৰ বিজুতি ঘটাৰ বাবে পথেৰে ধৰমপুৰ পালেহি। প্ৰিয়ংকা গান্ধীয়ে কয় যে কংগ্ৰেছৰ ইস্তাহাৰক লৈ দেশত বহু চৰ্চা চলি আছে, ইয়াৰ নাম দিয়া হৈছে ন্যায় পত্ৰ।
প্ৰিয়ংকা গান্ধীয়ে কয় যে যোৱা ১০ বছৰত মানুহৰ জীৱনত কোনো অগ্ৰগতি হোৱা নাই, মানুহে ন্যায় পোৱা নাই। কংগ্ৰেছে বনোৱা ন্যায় পত্ৰই ইয়াত বহু আঁচনি আৰু নিশ্চয়তা আনিছে, আমি সম্পূৰ্ণ কৰিম। আমাৰ চৰকাৰবোৰ য’তেই আছে বা আছিল, আমি যি নিশ্চয়তা দিয়া হৈছিল, আমি পূৰণ কৰিছো। আমাৰ চৰকাৰ আহিলে বন অধিকাৰ আইন কাৰ্যকৰী কৰি এবছৰৰ ভিতৰত পট্টা সম্পৰ্কীয় বিষয়বোৰ সিদ্ধান্ত ল’ম। অনুসূচিত জাতি-জনজাতিৰ বাবে উপ পৰিকল্পনা ৰূপায়ণ কৰিব। য’ত জনজাতীয় সম্প্ৰদায়ৰ জনসংখ্যা বেছি, তাত ইয়াক নিৰ্ধাৰিত অঞ্চল হিচাপে ঘোষণা কৰা হ’ব, যাতে সকলো সুবিধা উপলব্ধ হয়। আমি নূন্যতম মজুৰি ৪০০ টকা নিৰ্ধাৰণ কৰিম যাতে কোনেও শোষণ কৰিব নোৱাৰে।
হিন্দুস্থান সমাচাৰ/বিনোদ/মনোজ
