নতুন দিল্লী, ১৭ এপ্ৰিল (হি.স.)। কেন্দ্ৰীয় তথ্য আৰু সম্প্ৰচাৰ মন্ত্ৰী অনুৰাগ সিং ঠাকুৰে কয় যে এই দেশৰ লগতে দেশবাসীৰ প্ৰতিটো দিশ আৰু মনমগজুত ৰাম বিৰাজমান হৈ আছে। ৰাম আৰু তেওঁৰ লীলাৰ গৌৰৱ সমগ্ৰ দেশতে নহয় সমগ্ৰ বিশ্বতে গোৱা হয়। কিন্তু কংগ্ৰেছেই ৰামজীৰ অস্তিত্বক লৈ প্ৰশ্ন উত্থাপন কৰি ৰাম সেতুক কাল্পনিক বুলি অভিহিত কৰিছিল। ৰাম মন্দিৰ যাতে নিৰ্মাণ নহয় তাৰ বাবে উকীলৰ সেনা গঠন কৰা হৈছিল। বুধবাৰে ৰামনৱমী উপলক্ষে হামিৰপুৰ সংসদীয় সমষ্টিৰ নদাউনত মা বাগলামুখী সমিতিৰ উদ্যোগত আয়োজিত কাৰ্যসূচীত অংশগ্ৰহণ কৰি অনুৰাগ ঠাকুৰে সকলো দেশবাসীক নৱৰাত্ৰি আৰু ৰামনৱমীৰ বাবে শুভেচ্ছা জনাই কয় যে আজি অযোধ্যাতো ৰামনৱমীৰ দিনা স্বয়ং সূৰ্য্যদেৱে তেওঁৰ আৰতি পালন কৰি আছে।

অনুৰাগ ঠাকুৰে কয় যে ৫০০ বছৰৰ অপেক্ষা সহ্য কৰি নিজৰ দেশতে ৰাম মন্দিৰ নির্মাণৰ বাবে বলিদান দিয়া হিন্দুসকলতকৈ ধৈৰ্য ধৰা আন কোনো নাই বুলিয়েই ক’ব পাৰি ৷ এতিয়া সমগ্ৰ বিশ্বৰ পৰা সৰ্বাধিক ভক্ত আহিব অযোধ্যা জীলৈ। অযোধ্যাত লক্ষ্ণৌতকৈও ডাঙৰ আৰু ভৱ্য বিমানবন্দৰ নিৰ্মাণ কৰা হৈছে, যাৰ নাম মহৰ্ষি বাল্মীকি বিমানবন্দৰ।

অনুৰাগ ঠাকুৰে কয় যে ৫০০ বছৰৰ অপেক্ষাৰ অন্তত অযোধ্যাত এটা ভৱ্য ৰাম মন্দিৰ নিৰ্মাণেই হওক, সেয়া কাশী বিশ্বনাথ ধামেই হওক, কেদাৰনাথ ধাম হওক বা মহাকাল লোক হওক, আজি আমাৰ সকলো ধৰ্মীয় স্থান আৰু তীৰ্থস্থানৰ সম্পূৰ্ণ উন্নয়ন হৈছে। কৰতাৰপুৰ চাহাব কৰিড’ৰলৈ যোৱা পথ মুকলি কৰা হৈছে, হেমকুণ্ড চাহাবৰ বাবে ৰ’পৱে নিৰ্মাণ কৰা হৈছে, ডাঙৰ চাৰি লেন আৰু ৰে’লৱে চাৰি ধামলৈ গৈ আছে। সনাতন জন জাগ্ৰতৰ বাবে মোডী জীয়ে কৰা কামে আমাৰ যুৱক-যুৱতীসকলৰ মাজত ধৰ্ম আৰু সংস্কৃতিৰ প্ৰতি নতুন উদ্যম কঢ়িয়াই আনিছে। আজি আমাৰ বহু তীৰ্থস্থানত ভক্তৰ সংখ্যা আগৰ তুলনাত ৫ গুণ বৃদ্ধি পাইছে আৰু তাত আত্মসংস্থাপনৰ নতুন সুযোগ মুকলি হৈছে। কিন্তু কংগ্ৰেছৰ ৰাম মন্দিৰ আৰু কাশী বিশ্বনাথ ধামৰো বিৰোধিতা কৰে । আনকি তেওঁলোকৰ লগৰবোৰে সনাতনক মষিমূৰ কৰাৰ কথা কয়। এনে লোকে নিজৰ মন্তব্যত লেকাম লগোৱাটো প্ৰয়োজন। সনাতনক ধ্বংস কৰাৰ সপোন দেখা সকল সমাপ্ত হৈ গৈছে, কিন্তু সনাতন আছিল, আছে আৰু সদায় থাকিব।

অনুৰাগ ঠাকুৰে কয় যে ভাৰতীয় জনতা পাৰ্টি এনে এটা দল যিয়ে নাৰী সৱলীকৰণতে নহয় বৰঞ্চ মহিলাৰ দ্বাৰা সমাজ সবলীকৰণত বিশ্বাস কৰে। মোডী জীয়ে ঐতিহাসিক নাৰী শক্তি বন্দন আইন কাৰ্যকৰী কৰিলে, যিয়ে সমগ্ৰ দেশৰ বিধানসভা আৰু লোকসভাত আমাৰ মাতৃ-ভগ্নীসকলক ৩৩ শতাংশ সংৰক্ষণ প্ৰদান কৰিব। ইয়াৰ পূর্বে হিমাচলৰ প্রাক্তন মুখ্যমন্ত্রী প্রেম কুমাৰ ধুমলে পঞ্চায়তীৰাজৰ প্রতিষ্ঠানত মহিলাক ৫০ শতাংশ সংৰক্ষণ প্রদান কৰিছিল ৷ আমি আমাৰ সংগঠনো মহিলাসকলকো ২৫ শতাংশ সংৰক্ষণ দিছো। যোৱা ১০ বছৰত মোডী জীৰ নেতৃত্বত আমি দেশৰ ১০ কোটি মাতৃ-ভগ্নীক বিনামূলীয়াকৈ এল পি জি সংযোগ দিলোঁ, তেওঁলোকক ধোঁৱাৰ পৰা মুক্তি দিলোঁ। মাত্ৰু বন্দনা যোজনাৰ অধীনত গৰ্ভৱতী মাতৃ আৰু ভগ্নীক পৃথকে পৃথকে ৬০০০ টকা দিয়া হৈছিল, এক কোটি ভগ্নীক লখপতি দিদী আৰু আগন্তুক ৫ বছৰত দুই কোটি ভগ্নীক লাখপতি বাইদেউ কৰা হ’ব।

হিন্দুস্থান সমাচাৰ/ বিজয়লক্ষ্মী/মনোজ