কাঠমাণ্ডু, ০৩ নৱেম্বৰ (হি.স.)। দেওবাৰে দেশৰ প্ৰাক্তন উপ প্ৰধানমন্ত্ৰী ৰবি লমিছানেৰ বিৰুদ্ধে আন এক গ্ৰেপ্তাৰৰ পৰোৱানা জাৰি কৰা হৈছে। সমবায় কেলেংকাৰীত যোৱা ১৫ দিন আৰক্ষীৰ জিম্মাত থকা লমিচানেৰ নামত আন এক সমবায় কেলেংকাৰিত এই গ্ৰেপ্তাৰৰ পৰোৱানা জাৰি কৰা হৈছে।
তেওঁৰ টিভি চেনেলত কোটি কোটি টকা সমবায় বেংকত অবৈধভাৱে বিনিয়োগ কৰাৰ অভিযোগত বৰ্তমান পোখাৰা আৰক্ষীৰ জিম্মাত আছে ৰবি লমিছানে সূৰ্যদৰ্শন সমবায় বেংকত সংঘটিত কেলেংকাৰীৰ বিৰুদ্ধে তদন্ত চলি আছে। বুটৱাল আৰক্ষীৰ ডি এছ পি লক্ষ্মী খানালে কয় যে উচ্চতম সমবায় বেংকত জমা ধন অবৈধভাৱে অন্য দিশলৈ ঠেলি দিয়াৰ অভিযোগত ৰবি লমিছানেৰ বিৰুদ্ধে গ্ৰেপ্তাৰৰ পৰোৱানা জাৰি কৰা হৈছে। তেওঁ কয় যে এই ৱাৰেণ্ট ৰূপাণ্ডেহী জিলা আদালতৰ পৰা জাৰি কৰা হৈছে। বুটৱাল আৰক্ষীয়ে দেওবাৰে পোখাৰা আৰক্ষীলৈ এখন পত্ৰ প্ৰেৰণ কৰি ৰবি লমিছানেক গতাই দিবলৈ অনুৰোধ জনাইছে।
দৰাচলতে যোৱা মাহৰ ১৮ অক্টোবৰত কাঠমাণ্ডুৰ পৰা ৰবি লামিচানেক গ্ৰেপ্তাৰ কৰি পোখাৰালৈ প্ৰেৰণ কৰা হৈছিল। জিলা আদালত কাস্কিয়ে প্ৰথম ৭ দিনৰ বাবে আৰক্ষীক ৰিমাণ্ড দিছিল আৰু তাৰ পিছত ১০ দিনৰ বাবে। ৰবি লমিছানেৰ জেৰা সম্পূৰ্ণ হৈছে যদিও দেৱালী বন্ধৰ বাবে দেওবাৰলৈকে ৰবিক আদালতত হাজিৰ কৰিব পৰা নগ’ল। সোমবাৰে আদালত মুকলি হোৱাৰ লগে লগে আদালতত হাজিৰ কৰোৱা হ’ব ৰবিক। যদি আদালতে জামিন মঞ্জুৰ কৰে তেন্তে লগে লগে তেওঁক পুনৰ গ্ৰেপ্তাৰ কৰি বুটৱাললৈ প্ৰেৰণ কৰা হ’ব।
হিন্দুস্থান সমাচাৰ / অৰৱিন্দ
