কাছাৰ, ০১ জুন (হি স)। কাছাৰৰ খাছপুৰত যোৱা নিশা বিধ্বংসী অগ্নিকাণ্ডৰ ঘটনা সংঘটিত হয়। এই বিধ্বংসী অগ্নিকাণ্ডত ভস্মীভূত হয় কাছাৰৰ খাছপুৰ চাহ বাগিচাৰ ৰবৰ ফেক্টৰী । নিশা ৰবৰৰ ফেক্টৰী খনত বাগিচাৰ শ্ৰমিকে জুই প্ৰত্যক্ষ কৰে । মুহূৰ্ততে জুইৰ লেলিহান শিখাই চানি ধৰে ফেক্টৰীটো ।

স্থানীয় সকলে জুই নিয়ন্ত্ৰণৰ চেষ্টা চলায় যদিও ব্যৰ্থ হয় । পিছে খৱৰ দিয়া হয় উধাৰবন্দ অগ্নিনিৰ্বাপক বাহিনীক । অগ্নিনিৰ্বাপক বাহিনীৰ দুখন ইঞ্জিন ঘটনাস্থলীত উপস্থিত হৈ প্রায় এঘণ্টা প্ৰচেষ্টাৰ জুই নিয়ন্ত্ৰণত আনে ৷ জুইৰ প্ৰকৃত কাৰণ জানিব পৰা হোৱা নাই যদিও চৰ্ট চাৰ্কিটৰ পৰা জুই সূত্ৰপাত ঘটে বুলি প্ৰাথমিক বাবে সন্দেহ কৰা হৈছে । ভয়ংকৰ এই অগ্নিকাণ্ডত কেইবা লাখ টকা ক্ষয়ক্ষতি হৈছে বুলি জানিবলৈ দিয়ে বাগিছা কৰ্তৃপক্ষই ।

হিন্দুস্থান সমাচাৰ/প্ৰকাশ/মনোজ