শোণিতপুৰ ,৩০ মাৰ্চ ( হি স)। সন্মুখত হেপাহঁৰ ৰঙালী বিহু । বিগত বছৰৰ দৰে এইবাৰো ৰাজ্যত ৰঙালীক আদৰাৰ ব্যাপক প্রস্তুতি চলিছে । অহা ১৪ এপ্রিল ২০২৩ তাৰিখে গুৱাহাটীৰ সৰুসজাই ষ্টেডিয়ামত ৰাজ্যখনৰ দহ সহস্রাধিক বিহুৱা-বিহুৱতীৰ দ্বাৰা বিশ্ব অভিলেখ গঢ়াৰ বাবে অসমৰ মুখ্যমন্ত্রীৰ অনুৰোধ মৰ্মে প্রত্যোকখন জিলাত বিহুনৃত্যৰ আখৰা শিবিৰ আয়োজন কৰিছে । সেইবাবে প্রত্যোক জিলাৰ দৰে শোণিতপুৰতো বিহু আখৰাৰ ব্যাপক প্রস্তুতি চলিছে ।

তেজপুৰৰ হলেশ্বৰ, বেছেৰীয়া, জাতীয় শ্বহীদ বাকৰি, বিপি তিনিআলি আৰু তেজপুৰ উত্তৰ আঞ্চলিক ছাত্র সন্থাৰ উদ্যোগত মিচন চাৰিআলি কন্যা বিদ্যালয়ৰ প্রাংগনত ঢোল বাদন আৰু বিহুনৃত্যৰ আখৰা শিবিৰ আয়োজন কৰিছে । প্রত্যোকখন আখৰা শিবিৰত প্রায় ১০০ৰ পৰা ৩০০ গৰাকী বিহুৱা-বিহুৱতীয়ে অংশগ্রহণ কৰিছে ।

হিন্দুস্থান সমাচাৰ/নিৰ্মলেন্দু/মনোজ