বহু প্ৰত্যাশিত ছবি ‘কলকী ২৮৯৮ খ্ৰীষ্টাব্দ’ৰ ‘অশ্বত্থামা’ৰ ফাৰ্ষ্ট লুক প্ৰকাশ পাইছে। ছবিখনৰ লুক পোষ্টাৰ আৰু টিজাৰ মুকলি কৰা হৈছে। ইয়াত মেগাষ্টাৰ অমিতাভ বচ্চনৰ শক্তিশালী ৰূপ দেখা গৈছে ‘অশ্বত্থামা’ৰ চৰিত্ৰত। ছবিখনৰ লুক পোষ্টাৰ বিগ বিয়ে নিজেই শ্বেয়াৰ কৰিছিল, তাৰ পিছত টিজাৰ মুকলি কৰা হৈছিল।
এইবাৰৰ সৰ্ববৃহৎ ছবি ‘কলকী ২৮৯৮ খ্ৰীষ্টাব্দ’ যোৱা কেইদিনমানৰ পৰা বাতৰিৰ শিৰোনাম দখল কৰি আহিছে। অভিনেতাসকলৰ ফাৰ্ষ্ট লুক এটাৰ পিছত এটাকৈ ওলাই আহিছে। এতিয়া এই ছবিখনত অমিতাভ বচ্চনৰ লুকটোও পোহৰলৈ আহিছে। ফটোখন শ্বেয়াৰ কৰিছে খোদ অমিতাভ বচ্চনে। এই ছবিখনৰ টিজাৰত অমিতাভ বচ্চন আৰু এটি সৰু শিশুৰ সংলাপ শুনা যায়।
ভিডিঅ’টোত অমিতাভ বচ্চনৰ গোটেই শৰীৰটো বগা কাপোৰেৰে ঢাকি ৰখা হৈছে আৰু কেৱল তেওঁৰ চকু দুটাহে দেখা গৈছে। শিৱ লিংগক পূজা কৰি থাকোঁতে এজন ল’ৰা আহি তেওঁলোকৰ ওচৰলৈ আহি কয়, “হাই...মই ৰায়া।” ইয়াৰ পিছত তেওঁ অশ্বত্থামাক বহু প্ৰশ্ন কৰে। তেতিয়া অশ্বত্থামাৰ কপালৰ পৰা তেজ ওলায় আৰু শিশুটিয়ে কয়, আপুনি ঈশ্বৰ নেকি? ইয়াৰ প্ৰতি তেওঁ কয়, “সময় আহিল, মোৰ শেষ যুঁজৰ সময় আহিল।” ইয়াৰ পিছত তেওঁ অশ্বত্থামাৰ পৰিচয় প্ৰকাশ কৰে। ইয়াত সৰু শিশুটিয়ে তেলেগু ভাষাত কথা কোৱা দেখা যায়, অমিতাভ বচ্চনে হিন্দী ভাষাত কথা কোৱা দেখা যায়। এই টিজাৰটো এই মুহূৰ্তত বহুত চৰ্চিত হৈ আছে।
ছবিখনত প্ৰভাস আৰু দীপিকা পাডুকনে মুখ্য চৰিত্ৰত অভিনয় কৰাৰ বিপৰীতে অমিতাভ বচ্চনৰ বিশেষ চৰিত্ৰ। এই ছবিখন চলিত বৰ্ষৰ মে’ মাহত মুক্তি পাব। এইখন এখন মেগা বাজেট ছবি। এই ছবিখনৰ পৰিচালনা কৰিছে নাগ অশ্বিনে।
হিন্দুস্থান সমাচাৰ/লোকেশ চন্দ্ৰ/মনোজ
