মুম্বাইৰ সমীপৰ আলিবাগ অঞ্চলত কোটি কোটি মূল্যৰ মাটি ক্ৰয় কৰিছে মেগাষ্টাৰ অমিতাভ বচ্চনে। ইয়াৰ পূৰ্বে অযোধ্যাত অমিতাভে মাটি ক্ৰয় কৰাৰ খবৰ আহিছিল।
চলিত বৰ্ষৰ জানুৱাৰী মাহত ৰাম মন্দিৰ উদ্বোধনৰ পূৰ্বে অমিতাভ বচ্চনে অযোধ্যাত ১০ হাজাৰ বৰ্গফুটৰ প্লট ১৪.৫ কোটি টকাত ক্ৰয় কৰিছিল। ইয়াৰ পিছত এতিয়া খবৰটো হ’ল যে তেওঁ দি হাউচ অৱ অভিনন্দন লোধৰ পৰা ১০ হাজাৰ বৰ্গফুট মাটি ক্ৰয় কৰিছে। কোৱা হৈছে যে এই ভূমি এ আলিবাগ নামৰ এটা প্ৰকল্পত আছে আৰু সাগৰৰ পাৰত অৱস্থিত। ইয়াৰ দাম ১০ কোটি টকা বুলি কোৱা হৈছে। অৱশ্যে এই সন্দৰ্ভত এতিয়াও কোনো তথ্য দিয়া নাই অমিতাভে।
সূত্ৰৰ উদ্ধৃতি দি যোৱা সপ্তাহত এই মাটিৰ লেনদেন পঞ্জীয়ন কৰা হৈছিল। আলিবাগত সম্পত্তিৰ মালিক বলীউড অভিনেতাৰ তালিকাত এতিয়া যোগদান কৰিছে বিগ বিয়ে। শ্বাহৰুখ খান, দীপিকা পাডুকন-ৰণবীৰ সিং আৰু অনুষ্কা শৰ্মাৰো আলিবাগত সম্পত্তি আছে।
অমিতাভ বচ্চনৰ কৰ্মৰাজিৰ কথা কওঁতে অতি সোনকালে তেওঁক দেখা যাব বহু প্ৰত্যাশিত ছবি ‘কলকী ২৮৯৮ খ্ৰীষ্টাব্দ’ত। শেহতীয়াকৈ তেওঁৰ ‘অশ্বত্থামা’ৰ প্ৰথম লুক প্ৰকাশ পাইছে। ছবিখনৰ লুক পোষ্টাৰ আৰু টিজাৰ মুকলি কৰা হৈছে। ইয়াত মেগাষ্টাৰ অমিতাভ বচ্চনৰ শক্তিশালী ৰূপ দেখা গৈছে ‘অশ্বত্থামা’ৰ চৰিত্ৰত। এই ছবিখন মে’ মাহত মুক্তি পাব।
হিন্দুস্থান সমাচাৰ/লোকেশ/মনোজ
