কাঠমাণ্ডু, ৩০ জুলাই (হি.স.)। নেপালৰ গৃহ মন্ত্ৰালয়ে ধৰ্মীয় স্থানত লাউডস্পীকাৰ, মাইক্ৰ’ফোন, বা চাউণ্ড বক্স ব্যৱহাৰ কৰাত নিষেধাজ্ঞা আৰোপ কৰিছে।

গৃহ পৰিক্ৰমা মন্ত্ৰালয়ে এক অধিসূচনা জাৰি কৰি সকলো মঠ-মন্দিৰ, মন্দিৰ, মছজিদ, গীৰ্জা, গম্বাহ (বৌদ্ধ মঠ), আৰু অন্যান্য ধৰ্মীয় স্থানক নিজৰ কাৰ্যকলাপৰ সময়ত উচ্চ শব্দৰ ব্যৱহাৰৰ পৰা বিৰত থাকিবলৈ নিৰ্দেশ দিছে। প্ৰশাসনে জনোৱা মতে, তীব্ৰ শব্দৰ ফলত শিশু, বৃদ্ধ, আৰু ৰোগীৰ মাজত গুৰুতৰ মানসিক ৰোগৰ সম্ভাৱনা বৃদ্ধি পাইছে।

এই পৰিপ্ৰেক্ষিতত গৃহ মন্ত্ৰালয়ে ২০২৪ চনৰ ১ জানুৱাৰীৰ সিদ্ধান্ত, আৰু নেপাল গেজেটত প্ৰকাশিত শব্দৰ মানদণ্ডৰ কথাও উচ্চতম ন্যায়ালয়ক সোঁৱৰাই দিছে। চৰকাৰী মানদণ্ড অনুসৰি গ্ৰামাঞ্চলত দিনত ৪৫ ডেচিবেল আৰু ৰাতি ৪০ ডেচিবেলত শব্দৰ মাত্ৰা সীমাবদ্ধ। চহৰৰ আৱাসিক অঞ্চলত দিনত ৫৫ ডেচিবেল আৰু নিশা ৫০ ডেচিবেলত শব্দৰ মাত্ৰা সীমাবদ্ধ থাকিব। এই মানদণ্ড উলংঘা নকৰাকৈ লাউডস্পীকাৰ, মাইক্ৰ’ফোন, চাউণ্ড বক্স আদি ব্যৱহাৰ কৰিবলৈ গৃহ প্ৰশাসনে অনুৰোধ জনাইছে।

-----------------

হিন্দুস্থান সমাচাৰ / অৰৱিন্দ