নতুন দিল্লী, ১8 জুলাই (হি.স.)। দিল্লীৰ যন্তৰ মন্তৰত ২০ দিনীয়া অনশন কৰি থকা পৰিৱেশবিদ সোনম ৱাংচুকক চিকিৎসালয়ত ভৰ্তি কৰাৰ পিছত প্ৰতিবাদস্থলীত প্ৰতিবাদ অব্যাহত ৰখা ছ’চিয়েল মিডিয়া অভিযান চলোৱা ককৰোচ জনতা পাৰ্টিৰ মুৰব্বী অভিজিৎ দীপকেৰ ওপৰত এগৰাকী মহিলাই চিয়াঁহী নিক্ষেপ কৰে। এই ঘটনাই প্ৰতিবাদস্থলীত উত্তপ্ত পৰিস্থিতিৰ সৃষ্টি কৰে।

ইয়াৰ পূৰ্বে অভিজিৎ দীপকে সংবাদ মাধ্যমৰ আগত কয় যে দিল্লী আৰক্ষীয়ে আজি পুৱা তেওঁৰ অনুপস্থিতিত সোণম ৱাংচুকক প্ৰতিবাদস্থলীৰ পৰা বলপূৰ্বকভাৱে অপসাৰণ কৰে । এই শান্তিপূৰ্ণ প্ৰতিবাদ আমি অব্যাহত ৰাখিম আৰু আজিৰে পৰা অনশন আৰম্ভ কৰিম বুলিও তেওঁ কয় । তেওঁ সমগ্ৰ দেশৰ জনসাধাৰণক শান্তিপূৰ্ণ প্ৰতিবাদ বজাই ৰাখিবলৈ আৰু কোনেও এই নিয়ম উলংঘা নকৰাটো নিশ্চিত কৰিবলৈ আহ্বান জনায় ।

আৰক্ষীয়ে অনুৰোধ জনাইছে যে সকলো চিজেপি কৰ্মীয়ে শান্তিপূৰ্ণভাৱে যন্তৰ মন্তৰ খালী কৰক । উল্লেখযোগ্য যে চিজেপিৰ নেতৃত্বত যন্তৰ মন্তৰত শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত এক প্ৰতিবাদ অব্যাহত আছে । ২০ জুলাইত সংসদলৈ পদযাত্ৰা কৰাৰ কথা ঘোষণা কৰিছে চিজেপিয়ে ।

-----------------

হিন্দুস্থান সমাচাৰ / অৰৱিন্দ