ৰাষ্ট্ৰীয় আৰু আন্তঃৰাষ্ট্ৰীয় ইতিহাসত ১৮ জুলাইৰ দিনটোত বহু উল্লেখযোগ্য ঘটনা সংঘটিত হৈছে যদিও ভাৰতৰ ইতিহাসত এই দিনটো ভাৰত বিভাজনৰ বাবে বিশেষভাৱে স্মৰণ কৰা হয়। ১৯৪৭ চনৰ ১৮ জুলাইৰ আজিৰ দিনটোতে ব্ৰিটিছ সংসদে ভাৰতীয় স্বাধীনতা আইন গৃহীত কৰে। এই আইনখনে ব্ৰিটিছ শাসনৰ অন্ত পৰা আৰু ভাৰত বিভাজনৰ বাট মুকলি কৰি দিলে।
ইয়াৰ আগতে ১৯৪৭ চনৰ ৩ জুনত তেতিয়াৰ ভাইচৰয় লৰ্ড লুই মাউণ্টবেটেনে ভাৰতক দুখন স্বতন্ত্ৰ ৰাষ্ট্ৰ—ভাৰত আৰু পাকিস্তানত বিভক্ত কৰাৰ পৰিকল্পনা দাঙি ধৰে, যাক মাউণ্টবেটেন পৰিকল্পনা বুলি জনা যায়। ১৮ জুলাইত ব্ৰিটিছ সংসদে এই প্ৰস্তাৱত আইনগতভাৱে অনুমোদন জনোৱাৰ পিছত সিদ্ধান্ত লোৱা হয় যে ১৯৪৭ চনৰ ১৪ আগষ্টত পাকিস্তান আৰু ১৯৪৭ চনৰ ১৫ আগষ্টত ভাৰত স্বাধীন ৰাষ্ট্ৰ হ’ব।
কিন্তু স্বাধীনতাৰ সমান্তৰালকৈ দেশখনে বিভাজনৰ বেদনাও সহ্য কৰিব লগা হৈছিল। বিভাজনৰ সময়ত সাম্প্ৰদায়িক হিংসাৰ সৃষ্টি হয়, যাৰ ফলত লাখ লাখ লোকৰ প্ৰাণহানি হয় আৰু প্ৰায় ১ কোটি ২৫ লাখ লোকে ঘৰ এৰি পলায়ন কৰিবলগীয়া হয়। ইয়াক মানৱ ইতিহাসৰ অন্যতম বৃহৎ আৰু আঘাতজনক প্ৰব্ৰজন বুলি গণ্য কৰা হয়।
পঞ্জাব আৰু বংগক বিভাজিত কৰা ভাৰত আৰু পাকিস্তানৰ মাজত সীমা নিৰ্ধাৰণৰ বাবে ৰেডক্লিফ সীমা আয়োগ গঠন কৰা হৈছিল। স্বাধীনতাৰ পিছত এই সীমা ঘোষণা কৰাৰ ফলত দুয়োপক্ষৰ ব্যাপক বিভ্ৰান্তি আৰু হিংসাত্মক পৰিস্থিতিৰ সৃষ্টি হয়।
গুৰুত্বপূৰ্ণ পৰিঘটনা
১২৯০ - ইংলেণ্ডৰ ৰজা এডৱাৰ্ডে ইহুদীসকলক বহিষ্কাৰ কৰাৰ নিৰ্দেশ দিয়ে।
১৬৩০ - স্পেনিছ সৈন্যই ইটালীৰ মান্টুয়া প্ৰদেশ দখল কৰে।
১৭৪৩ - আজিৰ দিনটোতে বিশ্বৰ প্ৰথমটো আধা পৃষ্ঠাৰ বিজ্ঞাপনটো সাপ্তাহিক কাকত দ্য নিউয়ৰ্কাৰত প্ৰকাশ পায়।
১৭৮১ - প্ৰখ্যাত ব্ৰিটিছ জ্যোতিৰ্বিজ্ঞানী উইলিয়াম হাৰ্চেলে আকাশী গংগাৰ বাস্তৱতা আৱিষ্কাৰ কৰে।
১৮৫৭ - বম্বে বিশ্ববিদ্যালয় প্ৰতিষ্ঠা হয়।
১৮৭২ - ব্ৰিটেইনত গোপন বেলট আইন প্ৰৱৰ্তন কৰা হয়। ইয়াৰ পূৰ্বে মুকলিকৈ ভোটদান চলিছিল।
১৯২৫ - হিটলাৰৰ আত্মজীৱনী মাইন কেম্পফৰ প্ৰথম সংস্কৰণ প্ৰকাশ পায়।
১৯৪৭ - ভাৰতীয় স্বাধীনতা আইনখনে ৰাজকীয় সন্মতি লাভ কৰে।
১৯৫১ - উৰুগুৱেই সংবিধান গৃহীত কৰে।
১৯৫৫ - প্ৰথমবাৰৰ বাবে পাৰমাণৱিক চালিত বিদ্যুৎ ব্যৱসায়িকভাৱে বিক্ৰী হয়।
১৯৬৩ - ছিৰিয়াত সামৰিক অভ্যুত্থান বিফল হয়।
১৯৬৮ - কেলিফৰ্ণিয়াৰ চান্টা ক্লাৰাত ইণ্টেল কৰ্পৰেশ্যন স্থাপন কৰা হয়।
১৯৭৩ - আফগানিস্তানত ৰাজতন্ত্ৰৰ অন্ত পৰে আৰু এখন গণৰাজ্য প্ৰতিষ্ঠা হয়।
১৯৭৭ - ভিয়েটনাম ৰাষ্ট্ৰসংঘৰ সদস্য হয়।
১৯৮০ - ভাৰতত নিৰ্মিত উপগ্ৰহ উৎক্ষেপণ বাহন এছএলভি-৩ ৰ দ্বাৰা ৰোহিনী উপগ্ৰহ কক্ষপথলৈ প্ৰেৰণ কৰা হয়।
১৯৮০ - মাদ্ৰাজৰ পৰা প্ৰথম ৰঙীন টেলিভিছন সম্প্ৰচাৰ কৰা হয়।
১৯৮৫ - ছোভিয়েট ৰাছিয়াই ভূগৰ্ভস্থ পাৰমাণৱিক পৰীক্ষা চলায়।
১৯৯৪ - ব্ৰাজিলে চতুৰ্থবাৰৰ বাবে বিশ্বকাপ ফুটবল চেম্পিয়নশ্বিপ লাভ কৰে।
১৯৯৯ - বিশ্ব বিমান পৰিবহণৰ ইতিহাসত সৰ্বাধিক ঘণ্টাৰ উৰণৰ অভিলেখ থকা এডলগৰ মৃত্যু হয়।
১৯৯৯ - ইজৰাইলে পেলেষ্টাইনৰ ওছামা বৰহামক প্ৰায় ছবছৰ বন্দীত্বৰ অন্তত মুকলি কৰি দিয়ে।
২০০০ - ৰাটু জোচেফা ইলোইলোৱে ফিজিৰ ৰাষ্ট্ৰপতি হিচাপে শপত গ্ৰহণ কৰে।
২০০২ - টেল আভিভত সংঘটিত বোমা বিস্ফোৰণত ৬ জন নিহত, ৪০ জন আহত।
২০০২ - ড° এ.পি.জে. আব্দুল কালাম দেশৰ দ্বাদশ ৰাষ্ট্ৰপতি হিচাপে নিৰ্বাচিত।
২০০২ - এছিয়ান ডেভেলপমেণ্ট বেংকে পথ উন্নয়নৰ সম্প্ৰসাৰণৰ বাবে ছত্তীশগড়লৈ ২০ কোটি ডলাৰৰ সাহায্যৰ অনুমোদন জনায়।
২০০৩ - ৱাই ভেনুগোপাল ৰেড্ডী ভাৰতীয় ৰিজাৰ্ভ বেংকৰ নতুন গৱৰ্ণৰ হয়।
২০০৪ - আমেৰিকাই পাকিস্তানৰ ৫০ কোটি ডলাৰৰ ঋণ ক্ষমা কৰে।
২০০৫ - মনমোহন-বুশ্ব আলোচনাৰ পিছত আমেৰিকা প্ৰশাসনে ভাৰতলৈ পাৰমাণৱিক শক্তি আৰু উচ্চ প্ৰযুক্তিৰ যোগানৰ ওপৰত থকা নিষেধাজ্ঞা উঠাই লোৱাৰ সিদ্ধান্ত লয়।
২০০৭ - ভাৰত, পাকিস্তান, মেক্সিকোৰ সেউজ বিপ্লৱৰ পিতৃ হিচাপে পৰিচিত বিশ্ববিখ্যাত আমেৰিকান কৃষি বিজ্ঞানী নৰ্মান বৰলাউগক কংগ্ৰেছৰ স্বৰ্ণ পদক প্ৰদান কৰা হয়।
২০০৮ - ভাৰতত জন্মগ্ৰহণ কৰা ছলমান ৰুছদীয়ে প্ৰচাৰ ভ্ৰমণৰ সময়ত ৫৭ মিনিটত ১০০০খন কিতাপত স্বাক্ষৰ কৰি অভিলেখ গঢ়িছিল।
২০১০ - কেৰালাৰ অধ্যাপক জোচেফক ইছলামক অপমান কৰাৰ অভিযোগ তুলি আঠজন লোকে আক্ৰমণ কৰি তেওঁৰ হাত কাটি পেলায়।
২০১২ - উত্তৰ কোৰিয়াৰ সৰ্বোচ্চ নেতা হিচাপে আনুষ্ঠানিকভাৱে কিম জং উনক নিযুক্তি দিয়া হয়।
জন্ম
১৮৬১ - কদম্বিনী গাংগুলী - ভাৰতৰ প্ৰথম মহিলা স্নাতক আৰু প্ৰথম মহিলা চিকিৎসক।
১৯১৮ - নেলছন মেণ্ডেলা - নোবেল বঁটা বিজয়ী দক্ষিণ আফ্ৰিকাৰ প্ৰাক্তন ৰাষ্ট্ৰপতি।
১৯২৭ - আজিৰ দিনটোতে মেহদী হাছান - বিখ্যাত গজল গায়ক।
১৯৩১ - ভৱনম ভেংকতৰামি ৰেড্ডী - অন্ধ্ৰ প্ৰদেশৰ প্ৰাক্তন অষ্টম মুখ্যমন্ত্ৰী।
১৯৩৫ - জয়েন্দ্ৰ সৰস্বতী - তামিলনাডুৰ কাঞ্চিপুৰমৰ কামকোটি পীঠাৰ শংকৰাচাৰ্য।
১৯৪৬ - ৰাজেশ যোশী - বিখ্যাত ভাৰতীয় সাহিত্যিক।
১৯৭০ - অশ্বিনী বৈষ্ণৱ - ভাৰতীয় ৰাজনীতিবিদ যিয়ে পূৰ্বে ভাৰতীয় প্ৰশাসনিক সেৱাত কাৰ্যনিৰ্বাহ কৰিছিল।
১৯৮২ - প্ৰিয়ংকা চোপ্ৰা - হিন্দী চিনেমাৰ বিখ্যাত অভিনেত্ৰী।
১৯৯৬ - স্মৃতি মান্ধনা - ভাৰতীয় মহিলা ক্ৰিকেটাৰ।
মৃত্যু
১৯৪৮ - আজিৰ দিনটোতে পীৰু সিং - ভাৰতীয় সেনাৰ অন্যতম সাহসী অমৰ শ্বহীদ।
১৯৯৮ - আব্দুল হামিদ কৈছাৰ - ভাৰতৰ অন্যতম বিখ্যাত বিপ্লৱী।
২০১১ - জগদীশ প্ৰসাদ - ভাৰতীয় শাস্ত্ৰীয় গায়ক।
২০১২ - ৰাজেশ খান্না - বিখ্যাত হিন্দী চলচ্চিত্ৰ অভিনেতা।
২০১৬ - মুবাৰক বেগম - হিন্দী ছবিৰ বিখ্যাত প্লেবেক গায়ক।
২০১৭ - অজিত শংকৰ চৌধুৰী - ভাৰতৰ প্ৰখ্যাত কবি, স্মৃতিগ্ৰন্থ, গল্পকাৰ, ঔপন্যাসিক, আৰু এজন দয়ালু সমালোচক।
২০২২ - ভূপিন্দৰ সিং - ভাৰতীয় চিনেমাৰ প্ৰখ্যাত প্লেবেক গায়ক আৰু গজল গায়ক।
হিন্দুস্থান সমাচাৰ / মনোজ কুমাৰ শইকীয়া
20 Jul 2026
যুৱক-যুৱতীসকলৰ বিৰুদ্ধে বলপূৰ্বক দমনমূলক ব্যৱস্থাৰ উদ্ধৃতি দি সোণম ৱাংচুকৰ অনশন অব্যাহত ৰখাৰ ঘোষণা
20 Jul 2026
