নতুন দিল্লী, ১৬ জুলাই (হি.স.)। কেন্দ্ৰীয় মাধ্যমিক শিক্ষা ব’ৰ্ডৰ (চিবিএছই) তিনিটা ভাষাৰ নীতিক লৈ উচ্চতম ন্যায়ালয়ে উদ্বেগ প্ৰকাশ কৰি কয় যে যদি তৃতীয় ভাষা প্ৰৱৰ্তন কৰিব লাগে তেন্তে ষষ্ঠ শ্ৰেণীৰ পৰাই ইয়াক প্ৰৱৰ্তন কৰি নৱম শ্ৰেণীৰ ভিতৰত অন্ত পেলাব লাগে। ন্যায়াধীশ বি ভি নাগাৰত্ন নেতৃত্বাধীন বিচাৰপীঠে কয় যে নৱম শ্ৰেণীত তৃতীয় ভাষাৰ প্ৰৱৰ্তনে ছাত্ৰ-ছাত্ৰীক মানসিক চাপৰ সৃষ্টি কৰিব পাৰে।

মাদ্ৰাজ উচ্চ ন্যায়ালয়ে প্ৰতিখন জিলাতে নৱোদয় বিদ্যালয় স্থাপন কৰিবলৈ ৰাজ্য চৰকাৰক নিৰ্দেশ দিয়া সিদ্ধান্তক প্ৰত্যাহ্বান জনাই তামিলনাডু চৰকাৰে দাখিল কৰা আবেদনৰ শুনানি গ্ৰহণ কৰি আছিল উচ্চতম ন্যায়ালয়ত। শুনানিৰ সময়ত চিবিএছইৰ বিদ্যালয়ৰ বিষয়টোও উত্থাপন হোৱাত উচ্চতম ন্যায়ালয়ে এই মন্তব্য কৰে। ন্যায়াধীশ নাগাৰাথ্নাই উত্থাপন কৰা এক প্ৰশ্নৰ উত্তৰত এজন অধিবক্তাই কয় যে নৱম শ্ৰেণীৰ পৰাই চিবিএছই বিদ্যালয়ত তৃতীয় ভাষা বাধ্যতামূলক কৰা হৈছে।

ন্যায়াধীশ নাগাৰত্নাই উল্লেখ কৰে যে উচ্চ শ্ৰেণীত ছাত্ৰ-ছাত্ৰীৰ বাবে নতুন ভাষা শিকিবলৈ অতি কঠিন হ’ব পাৰে। ইয়াৰ ফলত ছাত্ৰ-ছাত্ৰীৰ মানসিক চাপৰ সৃষ্টি হ’ব পাৰে। উচ্চতম ন্যায়ালয়ৰ এই মন্তব্য আৰু অধিক তাৎপৰ্যপূৰ্ণ কাৰণ চিবিএছইৰ তিনিটা ভাষাৰ নীতিক প্ৰত্যাহ্বান জনাই উচ্চতম ন্যায়ালয়ত কেইবাখনো আবেদন দাখিল কৰা হৈছে ।

হিন্দুস্থান সমাচাৰ / অৰৱিন্দ