ভাৰতৰ ইতিহাসত মহিলাৰ অধিকাৰ আৰু সম সুযোগৰ দিশত ১৭ জুলাইৰ দিনটো এক উল্লেখযোগ্য মাইলৰ খুঁটি হিচাপে বিবেচিত হৈছে । ১৯৪৮ চনৰ ১৭ জুলাইত মহিলাসকলক প্ৰথমে ভাৰতীয় প্ৰশাসনিক সেৱা (আই এ এছ) আৰু ভাৰতীয় আৰক্ষী সেৱা (আই পি এছ)কে ধৰি বিভিন্ন ৰাজহুৱা সেৱাৰ প্ৰতিযোগিতামূলক পৰীক্ষাত অৱতীৰ্ণ হোৱাৰ যোগ্যতা প্ৰদান কৰা হয় । পূৰ্বতে এই সন্মানীয় সেৱাসমূহত প্ৰৱেশ পুৰুষৰ মাজত সীমাবদ্ধ আছিল।
দেশত সমতা আৰু সামাজিক ন্যায়ৰ প্ৰসাৰৰ বাবে স্বাধীনতাৰ পিছত এই ঐতিহাসিক সিদ্ধান্ত লোৱা হৈছিল। ইয়াৰ ফলত মহিলাসকলে প্ৰশাসন, আইন-শৃংখলা, আৰু শাসন ব্যৱস্থাৰ উচ্চ পদবীত উপনীত হোৱাৰ দুৱাৰ মুকলি হ’ল । এই সিদ্ধান্তই চৰকাৰী সেৱাত লিংগ সমতাৰ ভেটি স্থাপন কৰাই নহয়, ভৱিষ্যত প্ৰজন্মৰ মহিলাসকলক ডাঙৰ সপোন দেখাৰ লগতে নিজৰ সপোন পূৰণ কৰাৰ সুযোগো দিলে ।
আজি ভাৰতীয় প্ৰশাসনিক আৰু আৰক্ষী সেৱাৰ বহু মহিলা বিষয়াই নিজৰ অসাধাৰণ কৰ্মনীতি, নেতৃত্বৰ দক্ষতা, আৰু জনসেৱাৰ জৰিয়তে দেশক এক নতুন দিশ দিছে। ১৭ জুলাইৰ এই ঐতিহাসিক সিদ্ধান্ত ভাৰতত মহিলা সৱলীকৰণ আৰু সম সুযোগৰ দিশত এক উল্লেখযোগ্য মাইলৰ খুঁটি হিচাপে স্মৰণ কৰা হয়।
গুৰুত্বপূৰ্ণ পৰিঘটনা
১৪৮৯ – নিজাম খানক দ্বিতীয় চিকন্দৰ শ্বাহ লোদী নামেৰে দিল্লীৰ চুলতান ঘোষণা কৰা হয়।
১৫৪৯ – বেলজিয়ামৰ গেণ্ট অঞ্চলৰ পৰা ইহুদীসকলক বহিষ্কাৰ কৰা হয়।
১৭১২ - ইংলেণ্ড, পৰ্তুগাল আৰু ফ্ৰান্সে যুদ্ধবিৰতি স্বাক্ষৰ কৰে।
১৮৫০ – আজিৰ দিনটোতে হাৰ্ভাৰ্ড মানৱ নিৰীক্ষণ কেন্দ্ৰই এটা তৰাৰ প্ৰথম ফটো তুলিছিল।
১৮৯৩ – ইংলেণ্ডৰ আৰ্থাৰ শ্ৰুছবেৰীয়ে টেষ্ট ক্ৰিকেটত ১০০০ ৰান সংগ্ৰহ কৰা প্ৰথমজন ক্ৰিকেটাৰ হিচাপে পৰিগণিত হয়।
১৯১৯ – ফিনলেণ্ডত সংবিধান অনুমোদন কৰা হয়।
১৯২৯ – ছোভিয়েট ইউনিয়নে চীনৰ সৈতে কূটনৈতিক সম্পৰ্ক বিচ্ছিন্ন কৰে।
১৯৪৩ – ব্ৰিটেইনৰ ৰয়েল এয়াৰ ফৰ্চে (RAF) জাৰ্মানীৰ পিনেমুণ্ডে ৰকেট ঘাটিত আক্ৰমণ কৰে।
১৯৪৮ - ভাৰতৰ মহিলাসকলে ভাৰতীয় প্ৰশাসনিক সেৱা আৰু ভাৰতীয় আৰক্ষী সেৱাকে ধৰি সকলো ৰাজহুৱা সেৱাত যোগদান কৰাৰ যোগ্যতা অৰ্জন কৰে।
১৯৫০ – ভাৰতৰ প্ৰথম যাত্ৰীবাহী বিমান দুৰ্ঘটনা সংঘটিত হয় পঞ্জাৱৰ পাথানকোটৰ সমীপত।
১৯৫৫ – আমেৰিকাৰ কেলিফৰ্ণিয়াত ডিজনীলেণ্ড মুকলি কৰা হয়।
১৯৭৪ – লণ্ডনৰ টাৱাৰত বোমা বিস্ফোৰণত এজন লোকৰ মৃত্যু হয় আৰু ৪১ জন আহত হয়।
১৯৭৬ – মণ্ট্ৰিয়েলত অনুষ্ঠিত হোৱা ২১ সংখ্যক অলিম্পিক গেমছৰ মুকলি অনুষ্ঠান আফ্ৰিকাৰ ২৫খন দেশে বৰ্জন কৰে।
১৯৮৭ - ইৰাণ আৰু ফ্ৰান্সৰ মাজত কূটনৈতিক সম্পৰ্ক বিচ্ছিন্ন হয়।
১৯৯৪ – ধুমকেতু শ্বুমেকাৰ-লেভি-৯ৰ প্ৰথম খণ্ডই বৃহস্পতি গ্ৰহত আঘাত কৰে।
১৯৯৫ – ফৰ্বছ আলোচনীয়ে মাইক্ৰ’ছফ্টৰ প্ৰতিষ্ঠাপক বিল গেটছক বিশ্বৰ আটাইতকৈ ধনী ব্যক্তি হিচাপে ঘোষণা কৰে।
১৯৯৬ – মাদ্ৰাজৰ নাম পুনৰ চেন্নাই ৰখা হয়। বিধানসভাত এই কথা ঘোষণা কৰিছিল তামিলনাডুৰ তদানীন্তন মুখ্যমন্ত্ৰী এম কৰুণানিধিয়ে।
২০০২ – ৰাছিয়াৰ স্বেটলানা ফেওফানোভাই পোল ভল্ট প্ৰতিযোগিতাত ইউৰোপৰ নতুন অভিলেখ গঢ়িছিল।
২০০৩ – কংগোৰ উত্তৰ-পূবৰ ডুনিয়া চহৰত জাতিগত হিংসাত ৫৪ জন লোকৰ মৃত্যু হয়।
২০০৬ – ডিস্কভাৰী মহাকাশযানখনে ফ্ল’ৰিডাৰ কেপ কানাভেৰেল মহাকাশ কেন্দ্ৰত ১৩ দিনীয়া মহাকাশ যাত্ৰা সম্পূৰ্ণ কৰি নিৰাপদে পৃথিৱীত অৱতৰণ কৰে।
২০০৮ - আফগানিস্তানত থকা নাটো বাহিনীয়ে পাকিস্তানত আত্মগোপন কৰি থকা সন্ত্ৰাসবাদীক মিছাইল আৰু হেলিকপ্টাৰেৰে আক্ৰমণ কৰে।
২০১৪ – আজিৰ দিনটোতে আৰম্ভ হৈছিল বিশ্ব ইমোজি দিৱস।
জন্ম
১৯২৩ - বেগম আবিদা আহমেদ - ভাৰতৰ পঞ্চম ৰাষ্ট্ৰপতি ফখৰুদ্দিন আলী আহমেদৰ পত্নী।
১৯৪৩ – ফ্লাইং অফিচাৰ নিৰ্মলজিৎ সিং ছেখন - পৰম বীৰ চক্ৰত সজ্জিত ভাৰতীয় সৈনিক।
১৯৭১ – ৰবি কিষাণ - হিন্দী আৰু ভোজপুৰী ছবিৰ সক্ৰিয় অভিনেতা।
১৯৯৭ - পূজা সিহাগ - ভাৰতীয় মহিলা ফ্ৰীষ্টাইল মল্লযুঁজাৰু।
মৃত্যু
১৭৯০ – এডাম স্মিথ - বিখ্যাত স্কটিছ নৈতিকতাবাদী, দাৰ্শনিক আৰু ৰাজনৈতিক অৰ্থনীতিবিদ।
১৯২৮ - আলেকজেণ্ডাৰ মুদ্দিমান - উত্তৰ প্ৰদেশৰ গৱৰ্ণৰ, গৱৰ্ণৰ জেনেৰেলৰ গৃহ বিভাগ সমিতিৰ সদস্য।
১৯৭২ - ইন্দুলাল য়াগনিক - গুজৰাটৰ প্ৰখ্যাত ৰাজনীতিবিদ আৰু সৰ্বভাৰতীয় কিষাণ সভাৰ নেতা।
১৯৭৯ – লালমণি মিশ্ৰ - কিংবদন্তি ভাৰতীয় সংগীতৰ মাষ্টৰ।
১৯৯২ - কানন দেৱী - ভাৰতীয় প্ৰখ্যাত অভিনেত্ৰী, গায়িকা, আৰু চলচ্চিত্ৰ নিৰ্মাতা।
২০০৫ – আই.জি. পেটেল - ভাৰতীয় ৰিজাৰ্ভ বেংকৰ চতুৰ্দশ গৱৰ্ণৰ।
২০১২ - ৱাহেংবাম নিপামচা সিং - মণিপুৰৰ প্ৰাক্তন নৱম মুখ্যমন্ত্ৰী।
২০১৩ - বৰুণ দে - প্ৰখ্যাত ইতিহাসবিদ।
২০১৮ - ৰীতা ভাদুৰী - হিন্দী চিনেমাৰ প্ৰখ্যাত অভিনেত্ৰী।
২০২০ - ৰজত মুখাৰ্জী - ভাৰতৰ প্ৰখ্যাত চলচ্চিত্ৰ পৰিচালক।
২০২০ - চি. এছ. শেষাদ্ৰী - ভাৰতৰ এগৰাকী প্ৰখ্যাত গণিতজ্ঞ।
গুৰুত্বপূৰ্ণ অনুষ্ঠান
- আন্তৰ্জাতিক ন্যায় দিৱস।
- বিশ্ব ইমোজি দিৱস।
-----------------------
হিন্দুস্থান সমাচাৰ / অৰৱিন্দ
20 Jul 2026
যুৱক-যুৱতীসকলৰ বিৰুদ্ধে বলপূৰ্বক দমনমূলক ব্যৱস্থাৰ উদ্ধৃতি দি সোণম ৱাংচুকৰ অনশন অব্যাহত ৰখাৰ ঘোষণা
20 Jul 2026
