জম্মু, ১৬ জুলাই (হি.স.)। কটকটীয়া নিৰাপত্তাৰ মাজতে বৃহস্পতিবাৰে জম্মুৰ পৰা কাশ্মীৰৰ বাৰ্ষিক অমৰনাথ যাত্ৰাৰ দুটা বেছ কেম্পলৈ ৰাওনা হয় ৫ হাজাৰৰো অধিক তীৰ্থযাত্ৰীৰ ১৫ নং গোট। এতিয়ালৈকে ৩.২৫ লাখৰো অধিক তীৰ্থযাত্ৰী ৩৮৮০ মিটাৰ উচ্চতাৰ গুহা মন্দিৰটো পৰিদৰ্শন কৰিছে।

বিষয়াসকলে জনোৱা মতে, নতুন তীৰ্থযাত্ৰী (৫,২০১ জন) ৯২ জন সাধু, ৯ জন সাধ্বী, ৩,৯৭০ জন পুৰুষ, ১,১২৪ জন মহিলা, ৫, শিশু, আৰু এগৰাকী হিজড়া অন্তৰ্ভুক্ত। চি আৰ পি এফ আৰু আৰক্ষীৰ সুৰক্ষাৰ অধীনত ২৫১খন বাহনৰ কনভয়ত ৰাওনা হয়। দুটা পৃথক গোটত কনভয় ৰাওনা হয়। ৭৪খন বাহনত ১৭৪৫ গৰাকী তীৰ্থযাত্ৰীৰে গঠিত বাল্টাল অভিমুখী কনভয়টো পুৱা ৩ বজাত ৰাওনা হয়। ১৭৭খন বাহনত ৩৪৫৬ গৰাকী তীৰ্থযাত্ৰীৰে গঠিত পহলগাম অভিমুখী কনভয় পুৱা ৩:৩০ বজাত ৰাওনা হয়।

বৃহস্পতিবাৰে ৰাওনা হোৱা বেচটোৰ সৈতে ২ জুলাইৰ পৰা যাত্ৰা আৰম্ভ হোৱাৰ পিছৰে পৰা জম্মু বেচ কেম্পৰ পৰা মুঠ ১০৪,৪৮৮ জন তীৰ্থযাত্ৰী কাশ্মীৰলৈ ৰাওনা হৈছে । ভক্তসকলে যাত্ৰাৰ বাবে ৰাওনা হোৱাৰ সময়তে ভাগৱতী নগৰ বেচ কেম্পত বম বম ভোলে, হৰ হৰ মহাদেৱ, জয় বৰফনী বাবা কি ধ্বনিৰে প্ৰতিধ্বনিত হয়। বহু তীৰ্থযাত্ৰীয়ে যাত্ৰা সুচাৰুৰূপে চলোৱাৰ বাবে কৰা ব্যৱস্থাত সন্তুষ্টি প্ৰকাশ কৰে। ৫৭ দিনীয়া পবিত্ৰ গুহা মন্দিৰৰ বাৰ্ষিক তীৰ্থযাত্ৰা ২৮ আগষ্টত সমাপ্ত হোৱাৰ কথা।

-----------------

হিন্দুস্থান সমাচাৰ / অৰৱিন্দ