ৱেলিংটন, ২৪ মাৰ্চ (হি.স.)। দক্ষিণ আফ্ৰিকাৰ বিৰুদ্ধে আগন্তুক এদিনীয়া শৃংখলাৰ বাবে নিউজিলেণ্ডৰ মহিলা দলটোৱে বেগী বলাৰ কেলি নাইটক দলত অন্তৰ্ভুক্ত কৰিছে। এয়া তেওঁৰ প্ৰথম মহিলা এদিনীয়া কল আপ।

শেহতীয়াকৈ জিম্বাবুৱেৰ বিৰুদ্ধে টি-২০ শৃংখলাত ৩-০ ব্য়ৱধানত জয়লাভ কৰা কেলি নাইটে আন্তঃৰাষ্ট্ৰীয় পৰ্যায়ত অভিষেক ঘটায়, য’ত তেওঁ দুখন মেচত দুটা উইকেট দখল কৰে। ২০২৩ চনৰ অনূৰ্ধ্ব ১৯ টি-২০ বিশ্বকাপ দলতো অংশ লৈছিল।

ঘৰুৱা ক্ৰিকেটত তেওঁৰ আকৰ্ষণীয় প্ৰদৰ্শনৰ ভিত্তিত এই সুযোগ লাভ কৰিছিল। ২০২৫/২৬ ছুপাৰ স্মেছত নৰ্দাৰ্ণ ব্ৰেভছৰ হৈ খেলি থকা ছানীয়ে ১০টা উইকেট দখল কৰাৰ লগতে দলটোৰ যৌথ দ্বিতীয় সৰ্বাধিক সফল বলাৰ আছিল। ৫০ অভাৰৰ ফৰ্মেটতো ভাল প্ৰদৰ্শন আগবঢ়াইছিল, য’ত তেওঁ দলটোৰ প্ৰথম খিতাপত গুৰুত্বপূৰ্ণ ভূমিকা পালন কৰিছিল, হেলিবাৰ্টন জনষ্টন শ্বিল্ডত ১৭টা উইকেট দখল কৰিছিল।

নিউজিলেণ্ডৰ মুখ্য প্ৰশিক্ষক বেন ছয়িয়াৰে নাইটৰ নিৰ্বাচনত আনন্দ প্ৰকাশ কৰি কয় যে এইটো তেওঁলোকৰ প্ৰথম এদিনীয়া শৃংখলাৰ বাবে দলত এক ডাঙৰ সংযোজন। তেওঁ কয় যে নাইটৰ গতি আৰু নিয়ন্ত্ৰণ ভাল, আৰু তেওঁৰ চুটি বলবোৰে বেটছমেনৰ বাবে প্ৰত্যাহ্বানৰ সৃষ্টি কৰে। তেওঁ লগতে কয় যে ঘৰুৱা প্ৰতিযোগিতাত ব্যতিক্ৰমীভাৱে ভাল প্ৰদৰ্শন আগবঢ়াইছে আৰু আন্তঃৰাষ্ট্ৰীয় পৰ্যায়ত নিজকে প্ৰমাণ কৰাৰ সম্ভাৱনা আছে।

চুজি বেটছ, ফ্ল’ৰা ডেভনশ্বাইৰ আৰু জৰ্জিয়া প্লাইমাৰ আঘাতৰ পৰা উভতি অহাৰ বিপৰীতে এমা মেকলিয়ড, পলি ইংলিছ আৰু বেলা জেমছক বাদ দিয়া হৈছে। মলি পেনফল্ডৰ ঠাইত কেলি নাইট অন্তৰ্ভূক্ত হৈছে ।

বৰ্তমান নিউজিলেণ্ডে টি-২০ শৃংখলাত ৩-১ ব্য়ৱধানত আগবাঢ়ি আছে, চূড়ান্ত মেচখন ২৫ মাৰ্চত অনুষ্ঠিত হ’ব। ইয়াৰ পিছত ২৯ মাৰ্চৰ পৰা আৰম্ভ হ’ব তিনিখন খেলৰ এদিনীয়া শৃংখলা।

দক্ষিণ আফ্ৰিকাৰ বিৰুদ্ধে এদিনীয়া শৃংখলাৰ বাবে নিউজিলেণ্ডৰ দল: মেলি কেৰ (অধিনায়ক), চুজি বেটছ, ফ্ল'ৰা ডেভনশ্বাইৰ, ইজি গেজ, মেডী গ্ৰীণ, ব্ৰুক হেলিডে, ব্ৰি এলিং, জেছ কেৰ, কেলি নাইট, ৰোজমেৰী মেয়াৰ, নেন্সি পেটেল, জৰ্জিয়া প্লাইমাৰ, আৰু ইজি শ্বাৰপ।

हिन्दुस्थान समाचार / Manoj Kumar Saikia