আইচি-নাগোয়া, ২৯ ছেপ্টেম্বৰ (হি.স.)। আইচি-নাগোয়া এছিয়ান গেমছ ২০২৬ত পুৰুষৰ +৯০ কেজি শাখাত ভাৰতীয় বক্সাৰ নৰেন্দ্ৰ বেৰৱালে ব্ৰঞ্জৰ পদক লাভ কৰে। ছেমি ফাইনেলত পৰাজয়ৰ পিছতো নৰেন্দ্ৰই ব্ৰঞ্জৰ পদক লাভ কৰে।

নৰেন্দ্ৰই শক্তিশালীভাৱে আৰম্ভ কৰিছিল । কোৱাৰ্টাৰ ফাইনেলত তেওঁ থাইলেণ্ডৰ অদথাপং চাংথেপক পৰাস্ত কৰি মেডেল লাভ কৰে।

ছেমি ফাইনেলত বিশ্ব চেম্পিয়ন অৰালবেক কঠিন যুঁজ দিবলৈ চেষ্টা কৰিছিল নৰেন্দ্ৰই যদিও কাজাখস্তানী বক্সাৰগৰাকীয়ে সৰ্বসন্মতিক্ৰমে ৫-০ ব্য়ৱধানৰ সিদ্ধান্তৰে যুঁজখনত জয়লাভ কৰি নৰেন্দ্ৰই ব্ৰঞ্জৰ পদকত সন্তুষ্ট হ’বলৈ বাধ্য হৈছিল।

এছিয়ান গেমছত একেৰাহে দ্বিতীয়বাৰৰ বাবে নৰেন্দ্ৰৰ ব্ৰঞ্জৰ পদক। ইয়াৰ পূৰ্বে ২০২২ চনৰ এছিয়ান গেমছত ব্ৰঞ্জৰ পদক লাভ কৰিছিল। ২০২৬ চনৰ কমনৱেলথ গেমছত ৰূপৰ পদক লাভ কৰি তেওঁ আন্তঃৰাষ্ট্ৰীয় কৃতিত্বৰ লগত আন এক উল্লেখযোগ্য কৃতিত্ব সংযোজন কৰে।

১৯৯৪ চনৰ ১৪ নৱেম্বৰত হাৰিয়ানাৰ হিছাৰ জিলাৰ ছ’ৰকী গাঁৱত কৃষক পৰিয়ালত জন্মগ্ৰহণ কৰিছিল নৰেন্দ্ৰ। প্ৰশিক্ষক দেৱৰাজ সিহাগৰ নিৰ্দেশনাত বক্সিং আৰম্ভ কৰিছিল আৰু পিছলৈ ভাৰতীয় সেনাবাহিনীত যোগদান কৰি কেৰিয়াৰ আগুৱাই লৈ যায়। তেওঁ ভাৰতৰ অন্যতম আগশাৰীৰ ছুপাৰ হেভিৱেট বক্সাৰ।

যুৱ পৰ্যায়ত নৰেন্দ্ৰই যুৱ বিশ্বকাপত ৰূপৰ পদক আৰু যুৱ এছিয়ান চেম্পিয়নশ্বিপত ব্ৰঞ্জৰ পদক লাভ কৰে। ইয়াৰ পাছত তেওঁ দক্ষিণ এছিয়ান গেমছ আৰু চিনিয়ৰ নেশ্যনেল চেম্পিয়নশ্বিপত স্বৰ্ণ পদক লাভ কৰে। তেওঁৰ ডাঙৰ কৃতিত্বৰ ভিতৰত ২০২৩ চনৰ এছিয়ান গেমছত ব্ৰঞ্জৰ পদক, ২০২৫ চনৰ বিশ্ব বক্সিং কাপৰ ফাইনেলত ব্ৰঞ্জৰ পদক আৰু ৰূপৰ পদক, ২০২৬ চনৰ এছিয়ান বক্সিং চেম্পিয়নশ্বিপত ব্ৰঞ্জৰ পদক লাভ কৰে ।

--------------

হিন্দুস্থান সমাচাৰ / অৰৱিন্দ