মুম্বাই, ২৯ ছেপ্টেম্বৰ (হি.স.)। প্ৰখ্যাত কণ্ঠশিল্পী জুবিন নৌতিয়ালৰ দুৱাৰমুখত দোলা দিছে সুখে। কিয়নো এটি সন্তানৰ পিতৃ হল প্ৰখ্যাত কন্ঠশিল্পী গৰাকী। ১৪ ছেপ্টেম্বৰত গণেশ চতুৰ্থীৰ শুভ ক্ষণত জুবিন আৰু তেওঁৰ পত্নীয়ে তেওঁলোকৰ প্ৰথম সন্তান পুত্ৰক আদৰণি জনায়।
শেহতীয়া বাৰ্তালাপত এই সুখৰ খবৰটো গায়ক গৰাকীয়ে নিজেই শ্বেয়াৰ কৰিছে। তেওঁ উল্লেখ কৰে যে মাতৃ আৰু সন্তান দুয়োজনেই সুস্থ আৰু চিকিৎসালয়ৰ পৰা ঘৰলৈ উভতি আহিছে। জুবিনৰ পিতৃত্বৰ খবৰৰ পিছতে তেওঁৰ অনুৰাগীয়ে ছচিয়েল মিডিয়াত অভিনন্দন জ্ঞাপন কৰি আহিছে।
কথা-বতৰাত জুবিনে শ্বেয়াৰ কৰিছিল যে তেওঁ এতিয়া পিতৃ, আৰু তেওঁৰ পুত্ৰৰ জন্ম হৈছিল গণেশ চতুৰ্থীৰ দিনা। তেওঁ শ্বেয়াৰ কৰে যে মাতৃ আৰু সন্তান দুয়োজনেই সুস্থ, আৰু পৰিয়ালটোৱে এই নতুন যাত্ৰাৰ সুন্দৰ মুহূৰ্তবোৰ উপভোগ কৰি আছে। পুত্ৰৰ নাম সন্দৰ্ভত সোধাত কণ্ঠশিল্পীগৰাকীয়ে কয় যে তেওঁ এতিয়াও নাম এটাৰ সিদ্ধান্ত লোৱা নাই আৰু বৰ্তমান শিশুটিৰ সৈতে সময় কটোৱাত মনোনিৱেশ কৰিছে।
চলিত বৰ্ষৰ এপ্ৰিল মাহত উত্তৰাখণ্ডত এক ব্যক্তিগত অনুষ্ঠানত শৈশৱৰ প্ৰেয়সীক বিয়া কৰাইছিল জুবিনে। কণ্ঠশিল্পীগৰাকীয়ে নিজৰ বিয়াখন ব্যক্তিগতভাৱে ৰাখি অনুষ্ঠানৰ ফটো শ্বেয়াৰ কৰা নাছিল। পিছত তেওঁৰ বিয়াৰ খবৰ ওলাল। খবৰ আহিছিল যে জুবিনে এই বিশেষ অনুষ্ঠানটো ব্যক্তিগতভাৱে ৰাখিছিল আৰু বলীউডৰ বাবে কোনো অভ্যৰ্থনা অনুষ্ঠান আয়োজন কৰা নাছিল। এতিয়া পুত্ৰৰ জন্মৰ লগে লগে জুবিন আৰু তেওঁৰ পত্নীয়ে নিজৰ জীৱনত এক নতুন আনন্দৰ সংযোজন কৰিছে।
হিন্দুস্থান সমাচাৰ / অৰৱিন্দ
