নতুন দিল্লী, ৩১ আগষ্ট (হি.স.)। আগন্তুক এছিয়ান গেমছৰ বাবে ভাৰতৰ ২০ জনীয়া ফেন্সিং দলটোক নেতৃত্ব দিব অলিম্পিয়ান চি এ ভৱানী দেৱীয়ে। ৰাষ্ট্ৰীয় ৰেংকিং আৰু ২০২৬ চনৰ বৃহৎ আন্তঃৰাষ্ট্ৰীয় প্ৰতিযোগিতাত খেলুৱৈসকলৰ প্ৰদৰ্শনৰ ভিত্তিত দেওবাৰে ফেন্সিং এছ’চিয়েশ্যনে দলটো ঘোষণা কৰে।
নিৰ্বাচিত খেলুৱৈসকলে ১ ছেপ্টেম্বৰৰ পৰা ১৫ ছেপ্টেম্বৰলৈ পাটিয়ালাৰ নেতাজী সুভাস ৰাষ্ট্ৰীয় ক্ৰীড়া প্ৰতিষ্ঠানত ৰাষ্ট্ৰীয় প্ৰস্তুতি শিবিৰত অংশগ্ৰহণ কৰিব। তাৰ পিছত ভাৰতীয় দলটোৱে প্ৰতিযোগিতাৰ পূৰ্বে চূড়ান্ত অভ্যস্ততাৰ বাবে ১৬ ছেপ্টেম্বৰত আইচি-নাগোয়ালৈ ৰাওনা হ’ব।
এছিয়ান চিনিয়ৰ ফেন্সিং চেম্পিয়নশ্বিপ, বিশ্ব ফেন্সিং চেম্পিয়নশ্বিপ, কমনৱেলথ ফেন্সিং চেম্পিয়নশ্বিপত খেলুৱৈসকলৰ প্ৰদৰ্শনৰ ওপৰত ভিত্তি কৰি দলটো নিৰ্বাচিত কৰা হৈছিল।
আন্তঃৰাষ্ট্ৰীয় প্ৰতিযোগিতালৈ ভৱনী দেৱীৰ প্ৰত্যাৱৰ্তনে ভাৰতৰ মহিলা ছেবাৰ দলটোক শক্তিশালী কৰি তুলিছে।
ভাৰতৰ অন্যতম আগশাৰীৰ ফেন্সিং তাৰকা ভৱানীয়ে চলিত বৰ্ষৰ এছিয়ান ছিনিয়ৰ ফেন্সিং চেম্পিয়নশ্বিপৰ সময়ত দুমাহৰ বিৰতিৰ অন্তত পুনৰ প্ৰতিযোগিতামূলক প্ৰতিযোগিতালৈ উভতি আহিছিল।
কমনৱেলথ ফেন্সিং চেম্পিয়নশ্বিপত ভাল প্ৰদৰ্শন কৰা কেইবাগৰাকীও খেলুৱৈৰ পৰাও ভাৰতীয় দলটোৱে বহু আশা প্ৰকাশ কৰিছে। মহিলাৰ ইপিত ক্ৰমে তানিছা খাত্ৰী আৰু প্ৰচি লোহানে স্বৰ্ণ আৰু ব্ৰঞ্জৰ পদক লাভ কৰে।
পুৰুষৰ ছেবাৰত কৰণ সিং গুৰজাৰে কমনৱেলথ চেম্পিয়নশ্বিপত স্বৰ্ণ পদক লাভ কৰি এছিয়ান গেমছৰ দাবী শক্তিশালী কৰে।
ইফালে তেজস মনোজ পাটিলে পুৰুষৰ ফয়েল ইভেণ্টত ব্ৰঞ্জৰ পদক লাভ কৰি ইতিহাস ৰচনা কৰি এই ইভেণ্টত ছিনিয়ৰ ফয়েল শাখাত পদক লাভ কৰা প্ৰথমগৰাকী ভাৰতীয় ফেন্সাৰ হিচাপে পৰিগণিত হয়।
ভাৰতৰ ২০ জনীয়া ফেন্সিং দল
পুৰুষৰ ফয়েলঃ শচীন, সনাসম হেমাশ সিং, আদিত্য, আৰু তেজস মনোজ পাটিল।
মহিলাৰ ফয়েলঃ জয়ছ অশিত ষ্টালিনৰাজ, নাওৰেম মীনা দেৱী, কানুপ্ৰিয়া চাওলা, আৰু ছোনিয়া দেৱী বৈখম।
মহিলাৰ ইপিঃ তনিশা খাত্ৰী, প্ৰচি লোহান, মিতোৱা চৌধুৰী, আৰু যশকিৰাট কৌৰ চুলি।
পুৰুষৰ ছেব্ৰেঃ কৰণ সিং, গিশো নিধি কে পি, লক্ষ্য বদছাৰ, আৰু বিশাল থাপাৰ।
মহিলাৰ ছেব্ৰে: ভৱানী দেৱী চি এ, শ্ৰেয়া গুপ্তা, জেফাৰলিন জে এছ, আৰু শ্ৰুতি যোশী।
হিন্দুস্থান সমাচাৰ / মনোজ কুমাৰ শইকীয়া
