নতুন দিল্লী, ২৫ জুলাই (হি.স.)। অসামৰিক বিমান পৰিবহণ মন্ত্ৰালয়ে আন্তঃৰাষ্ট্ৰীয় ভ্ৰমণকাৰীসকলক পেমেণ্ট গেটৱেলৈ পুনৰ নিৰ্দেশিত কৰি প্ৰতাৰণা কৰা ভুৱা ‘এয়াৰ সুবিধা ২.০’ পৰ্টেলৰ পৰা সাৱধান হ’বলৈ সকীয়াই দিছে। মন্ত্ৰালয়ে স্পষ্ট কৰি দিছে যে আত্মঘোষণা প্ৰ-পত্ৰ পূৰণ কৰাটো সম্পূৰ্ণ বিনামূলীয়া। গতিকে অফিচিয়েল ‘এয়াৰ সুবিধা ২.০’ পৰ্টেলহে ব্যৱহাৰ কৰিব লাগে।

শনিবাৰে জাৰি কৰা এক বিবৃতিত অসামৰিক বিমান পৰিবহণ মন্ত্ৰালয়ে ভ্ৰমণকাৰীসকলক ভুৱা ‘এয়াৰ সুবিধা ২.০’ ৱেবছাইটৰ পৰা সাৱধান হ’বলৈ সকীয়াই দিয়ে। মন্ত্ৰালয়ে কয় যে এই সতৰ্কবাণী জাৰি কৰা হৈছে ভুৱা ৱেবছাইট আৰু পৰ্টেলৰ সন্দৰ্ভত যিয়ে নিজকে অফিচিয়েল ‘এয়াৰ সুবিধা ২.০’ প্লেটফৰ্ম বুলি দাবী কৰে আৰু ব্যৱহাৰকাৰীক পেমেণ্ট গেটৱেলৈ পুনৰ নিৰ্দেশিত কৰে।

মন্ত্ৰালয়ে উল্লেখ কৰে যে ‘এয়াৰ সুবিধা ২.০’ সেৱা বিনামূলীয়া আৰু যাত্ৰীসকলে ‘আত্ম ঘোষণা প্ৰ-পত্ৰ’ জমা দিয়াৰ বাবে কোনো মাচুল দিব নালাগে।

অসামৰিক বিমান পৰিবহণ মন্ত্ৰালয়ে উল্লেখ কৰিছে যে তেওঁলোকৰ দৃষ্টিগোচৰ হৈছে যে কিছুমান ভুৱা ৱেবছাইট আৰু পৰ্টেলে এয়াৰ সুবিধা ২.০ৰ অভিনয় কৰি যাত্ৰীসকলক পেমেণ্ট গেটৱেলৈ পুনৰ নিৰ্দেশিত কৰি বিপথে পৰিচালিত কৰিছে। মন্ত্ৰালয়ে উল্লেখ কৰিছে যে এয়াৰ সুবিধা ২.০ৰ একমাত্ৰ চৰকাৰী পৰ্টেল হৈছে https://airsuvidha.civilaviation.gov.in/। সেয়েহে যাত্ৰীসকলক অনুৰোধ কৰা হৈছে যে কোনো ব্যক্তিগত বা ভ্ৰমণ সম্পৰ্কীয় তথ্য শ্বেয়াৰ কৰাৰ পূৰ্বে ৱেবছাইটৰ ইউআৰএল ভালদৰে পৰীক্ষা কৰক আৰু এয়াৰ সুবিধা ২.০ সেৱা প্ৰদান কৰা বুলি দাবী কৰা কোনো অকৰ্তৃত্বশীল ৱেবছাইটত ধন পৰিশোধ কৰাটো এৰাই চলিব লাগে।

মন্ত্ৰালয়ে উল্লেখ কৰিছে যে যাত্ৰীসকলক জনোৱা হয় যে এয়াৰ সুবিধা ২.০ সেৱা বিনামূলীয়াকৈ প্ৰদান কৰা হয় আৰু আত্মঘোষণা প্ৰ-পত্ৰ জমা দিয়াৰ বাবে কোনো মাচুল নাই। ভ্ৰমণকাৰীসকলক কেৱল চৰকাৰী পৰ্টেল ব্যৱহাৰ কৰিবলৈ আৰু প্ৰামাণিক তথ্যৰ বাবে কেৱল চৰকাৰী অধিসূচনাৰ ওপৰত নিৰ্ভৰ কৰিবলৈ অনুৰোধ জনোৱা হৈছে।

হিন্দুস্থান সমাচাৰ / মনোজ কুমাৰ শইকীয়া