ব্যক্তিগত জীৱনৰ বাবে পুনৰবাৰ বাতৰিৰ শিৰোনাম দখল কৰিছে অভিনেতা অৰ্জুন কাপুৰ। শেহতীয়াকৈ লণ্ডনৰ লৰ্ডছ ক্ৰিকেট খেলপথাৰত ভাৰত আৰু ইংলেণ্ডৰ মাজত তৃতীয় এদিনীয়া খেলৰ সময়ত অভিনেত্ৰী চাহিবা বালিৰ সৈতে তেওঁক দেখা গৈছিল। ছ’চিয়েল মিডিয়াত দুয়োৰে ছবি ভাইৰেল হোৱাৰ পিছত তেওঁলোকৰ সম্পৰ্কক লৈ জল্পনা-কল্পনা তীব্ৰতৰ হৈ পৰে। অৱশ্যে এই উৰাবাতৰিৰ প্ৰতি সাহিবা বালিয়ে নিজৰ অনন্য ধৰণেৰে প্ৰতিক্ৰিয়া প্ৰকাশ কৰি সকলো জল্পনা-কল্পনাৰ অন্ত পেলাবলৈ চেষ্টা কৰিছিল।
সাহিবা বালিয়ে নিজৰ ইনষ্টাগ্ৰাম ষ্ট’ৰীত অৰ্জুন কাপুৰৰ সৈতে এখন ফটো শ্বেয়াৰ কৰি লিখিছে, “সকলো বিশ্বাস নকৰিবা, পাৰ্ট ২।” তাইৰ হাস্যৰসময়ী পোষ্টটোক ডেটিং উৰাবাতৰিৰ সঁহাৰি বুলি গণ্য কৰা হৈছে। কোনো আনুষ্ঠানিক বক্তব্য নিদিয়াকৈ অভিনেত্ৰীগৰাকীয়ে এই উৰাবাতৰি লঘুভাৱে উলাই কৰাৰ ইংগিত দিয়ে। ছ’চিয়েল মিডিয়াত অনুৰাগীসকলেও তেওঁৰ এই ইংগিতৰ প্ৰশংসা কৰিছে।
২০১৮ চনত লাইলা মাজনু ছবিৰ জৰিয়তে অভিনয়ত আত্মপ্ৰকাশ কৰিছিল সাহিবা বালিয়ে। ইয়াৰ পিছত তেওঁ বাৰ্ড অৱ ব্লাড, তনাভ, অমৰ সিং চামকিলা আদি প্ৰজেক্টত অভিনয় কৰিছে। অভিনয়ৰ পূৰ্বে তেওঁ দিল্লী বিশ্ববিদ্যালয়ত অৰ্থনীতি বিজ্ঞান অধ্যয়ন কৰিছিল আৰু অক্সফৰ্ড বিশ্ববিদ্যালয়ত ব্যৱসায়িক কাৰ্যসূচীত অংশ লৈছিল। জোমাটোৰ ফিডিং ইণ্ডিয়া অভিযানৰ মাৰ্কেটিং এছ'চিয়েট হিচাপেও কাম কৰিছিল।
--------------
হিন্দুস্থান সমাচাৰ / অৰৱিন্দ
