কাঠমাণ্ডু, ২০ জুলাই (হি.স.)। নেপালত ৯জন বাংলাদেশী ইছলামিক ধৰ্মগুৰুৰ আগমনৰ পিছতে নিৰাপত্তা বাহিনীক হাই এলাৰ্টত ৰখা হৈছে। অৱশ্যে তেওঁলোকৰ নেপাল ভ্ৰমণৰ উদ্দেশ্য সন্দৰ্ভত এতিয়াও কোনো আনুষ্ঠানিক তথ্য প্ৰকাশ কৰা হোৱা নাই। তেওঁলোকৰ ভ্ৰমণৰ সময়সূচীও ৰাজহুৱা কৰা হোৱা নাই।

ত্ৰিভুৱন আন্তঃৰাষ্ট্ৰীয় বিমানবন্দৰৰ ইমিগ্ৰেচন বিভাগৰ তথ্য অনুসৰি, বাটিক এয়াৰৰ অ’ডি-১৮২ (কুৱালালামপুৰ-কাঠমাণ্ডু) বিমানেৰে যোৱা নিশা প্ৰায় ৯ বজাত ৯জন বাংলাদেশী ইছলামিক ধৰ্মগুৰু নেপালত উপস্থিত হয়। সকলোৰে ৩০ দিনৰ পৰ্যটন ভিছা। অভিবাসন বিভাগৰ মতে, তেওঁলোকৰ নেপালত থকাৰ সময় প্ৰায় দুসপ্তাহ। নেপালত উপস্থিত হোৱা ইছলাম ধৰ্মগুৰুসকলৰ ভিতৰত আছে মহম্মদ আক্কাছ আলী, আমিনুল ইছলাম, মহম্মদ মুস্তাফিজুৰ ৰহমান, মহম্মদ গোলাম মষ্টোফা, মহম্মদ মোক্লাছুৰ ৰহমান, এ কে এম মনিৰুজ্জামান লাভলু, চৈয়দ শৌকত আলী, মহম্মদ মনছুৰ ৰহমান, আৰু মহম্মদ অনিছুৰ ৰহমান।

নেপাল আৰক্ষীৰ সন্ত্ৰাসবাদ বিৰোধী কোষৰ এজন জ্যেষ্ঠ বিষয়াই জনোৱা মতে, কোনো ধৰণৰ পূৰ্বৰ যোগাযোগ নোহোৱাকৈ হঠাতে তেওঁলোকৰ আগমনৰ বাবে বিশেষ আৰক্ষী ব্যুৰোৱে তেওঁলোকৰ ওপৰত তীক্ষ্ণ দৃষ্টি ৰাখিছে। নেপালৰ নিৰাপত্তা বাহিনীয়ে মুকলি সীমান্তৰ সুযোগ লৈ ভাৰতত প্ৰৱেশ কৰিব পাৰে বুলি আশংকা কৰিছে। সেয়ে সীমান্তৱৰ্তী সকলো জিলাৰ নিৰাপত্তা বাহিনীক সতৰ্ক কৰি দিয়া হৈছে।

-----------------

হিন্দুস্থান সমাচাৰ / অৰৱিন্দ