ইছলামাবাদ, ২০ জুলাই (হি.স.)। পাকিস্তানৰ বেলুচিস্তান প্ৰাদেশৰ পাঞ্জগুৰ জিলাৰ প্ৰোম অঞ্চলত আজি পাকিস্তানৰ সেনাৰ বাহনত ইমপ্ৰোভাইজড এক্সপ্ল'ছিভ ডিভাইচ (আইইডি)ৰ সৈতে আক্ৰমণ সংঘটিত হৈছে। আক্ৰমণৰ পাছত হোৱা বিস্ফোৰণত বুলেটপ্ৰুফ আৰু বিস্ফোৰণৰোধী এই বাহনটো যথেষ্ট ক্ষতিগ্ৰস্ত হৈছে । এই সময়ছোৱাত সেনাৰ বহু জোৱানৰ মৰাৰ আৰু কিছুমানৰ আঘাতপ্ৰাপ্ত হোৱাৰ আশংকা কৰা হৈছে।

দ্য বেলুচিস্তান পোষ্টত প্ৰকাশিত এক প্ৰতিবেদন অনুসৰি প্ৰাৰম্ভিক বাতৰি অনুসৰি বিস্ফোৰণত সেনাবাহিনীৰ লোকৰ মৃত্যু আৰু সা-সম্পত্তিৰ ক্ষতি হৈছে। আনুষ্ঠানিকভাৱে হতাহতিৰ সংখ্যা এতিয়াও নিশ্চিত হোৱা নাই, আৰু কোনো সংগঠনে এই আক্ৰমণৰ দায়িত্ব স্বীকাৰ কৰা নাই। স্থানীয় সূত্ৰই জনোৱা মতে, বিস্ফোৰণটো অতি শক্তিশালী আছিল আৰু গাড়ীখনৰ ক্ষতিসাধন হৈছিল। এই আক্ৰমণত হতাহতি হয়।

ইফালে, বেলুচিস্তান লিবাৰেশ্যন ফ্ৰণ্টৰ মুখপাত্ৰ মেজৰ ঘোৰাম বালোচে এক বিবৃতিত কয় যে ১৮ জুলাইত বিদ্ৰোহী যোদ্ধাসকলে ৰাট খৰাণৰ কুলান অঞ্চল দখল কৰা পাকিস্তান সেনাৰ ডেথ স্কোয়াডৰ বিৰুদ্ধে অভিযান আৰম্ভ কৰিছিল। এই অভিযানৰ সময়ত বিদ্ৰোহী যোদ্ধাসকলে পাকিস্তান সেনাবাহিনীৰ এই শাখাৰ মূল অপাৰেটিভ হাফিজ কবীৰৰ ঘৰ ঘেৰাও কৰে। ইফালে হাফিজ কবিৰৰ পুত্ৰ আব্দুল হাকিমে প্ৰতিহত কৰাৰ চেষ্টা চলায়। যোদ্ধাসকলে প্ৰত্যুত্তৰ দি থিতাতে হত্যা কৰে। পৰৱৰ্তী সময়ত হাফিজ কবীৰ আৰু তেওঁৰ আনজন পুত্ৰ হাফিজ নাভিদক আটক কৰা হয়। দুয়োকে বেলুচ ৰাষ্ট্ৰীয় আদালতত দাখিল কৰা হ’ব।

মুখপাত্ৰগৰাকীয়ে লগতে কয় যে আন এক অভিযানত ১৮ জুলাইত ৰাট খাৰাণৰ গ্ৱাছ অঞ্চলত চৰকাৰী কৰ্মচাৰী চুফী মুমতাজৰ ঘনিষ্ঠ সহযোগী আৰু বেলুচিস্তান বিৰোধী কৰ্মী ঘামী ছাছ’লীক গুলীয়াই হত্যা কৰে যোদ্ধাসকলে।

ইফালে, ১৮ জুলাইৰ পুৱা বেলুচিস্তানৰ ডেৰা বুগটি জিলাৰ ছুই তহচিলৰ ইয়াৰোপাট অঞ্চলত লেণ্ডমাইন বিস্ফোৰণত এজন যুৱক নিহত হয়। মৃত যুৱকজন আলি খান বুগটিৰ পুত্ৰ আহমেদ আলী বুলি জানিব পৰা গৈছে। এই ঘটনাৰ পিছতে পৰিয়ালটোৱে ছুইৰ চাইনা চ’কত মৃতদেহটোৰ সৈতে প্ৰতিবাদ সাব্যস্ত কৰি ছুই আৰু কাছমোৰৰ মাজৰ মূল ঘাইপথ অৱৰোধ কৰে। শ্বাহনৱাজ চক্ৰনী বুগটিৰ ডেথ স্কোয়াডে তেওঁলোকৰ সন্তানক হত্যা কৰা বুলি পৰিয়ালৰ দাবী।

--------------

হিন্দুস্থান সমাচাৰ / অৰৱিন্দ