অক্ষয় কুমাৰৰ বহু প্ৰত্যাশিত ছবি 'ৱেলকাম টু দ্য জঙ্গল’ৰ বিস্ফোৰক ট্ৰেইলাৰ মুক্তি পালে। আহমেদ খানৰ পৰিচালনাত নিৰ্মিত এই ছবিখন ছুপাৰহিট ৱেলকাম ফ্ৰেঞ্চাইজিৰ তৃতীয় কিস্তি। চাৰি মিনিটতকৈ অধিক সময়ৰ এই ট্ৰেইলাৰটোৱে কমেডী, একচন আৰু মনোৰঞ্জনৰ এক সমৃদ্ধ মিশ্ৰণ আগবঢ়াইছে। ছবিখনত অক্ষয় কুমাৰৰ লগতে সুনীল শ্বেট্টী, পৰেশ ৰাৱাল, আৰ্শ্বদ ৱাৰ্ছি, জেকলিন ফাৰ্নাণ্ডেজ, দিশ পাটানি, ৰাজপাল যাদৱ, তুষাৰ কাপুৰ, আৰু জেকী শ্ৰফ আদিয়ে অভিনয় কৰিছে।
ছবি নিৰ্মাণৰ সপোন দেখা পৰেশ ৰাৱালৰ চৰিত্ৰৰ পৰা আৰম্ভ হৈছে ট্ৰেইলাৰ। তাৰ পিছত অভিনেতা-অভিনেত্ৰীসকলে অভিষেক ঘটায়, আৰু কাহিনীটো জংঘলত ছবিখনৰ শ্বুটিঙৰ ওপৰত আবদ্ধ। ট্ৰেইলাৰত অক্ষয় কুমাৰে নিজৰ চিনাকি শৈলীত নিজৰ শক্তিশালী একচন আৰু কমিক টাইমিংৰে দৰ্শকক মনোৰঞ্জন দিছে। সুনীল শ্বেট্টী, আৰ্শ্বাদ ৱাৰ্ছি, জেকী শ্ৰফ, আৰু অন্যান্য অভিনেতাৰ হাস্যৰসময়ী সংলাপে উত্তেজনা বৃদ্ধি কৰে।
কমেডী, বিভ্ৰান্তি, অস্থিৰতা আৰু ৰোমাঞ্চৰে ভৰা এই ট্ৰেইলাৰটোৱে দৰ্শকৰ কৌতুহল জগাই তুলিছে। প্ৰযোজকসকলে আশা কৰিছে যে ৱেলকাম টু দ্য জংগলই ফ্ৰেঞ্চাইজিৰ পূৰ্বৰ ছবিসমূহৰ দৰেই দৰ্শকক মনোৰঞ্জন দিব। বিপুল তাৰকা অভিনেতা আৰু গ্ৰেণ্ড প্ৰেজেণ্টেচনৰ সৈতে এই ছবিখন ২০২৬ চনৰ ২৬ জুনত ছবিগৃহত মুক্তি পাব ।
-----------------
হিন্দুস্থান সমাচাৰ / অৰৱিন্দ
