নতুন দিল্লী, ০৪ মে’ (হি.স.)। দেওবাৰে অনুষ্ঠিত ডাবল হেডাৰ মেচৰ পাছত ইণ্ডিয়ান প্ৰিমিয়াৰ লীগ (আই পি এল) ২০২৬ত অৰেঞ্জ আৰু পাৰ্পল কেপছৰ দৌৰ অধিক ৰোমাঞ্চকৰ হৈ পৰিছে। ছানৰাইজাৰ্ছ হায়দৰাবাদ (এছ আৰ এইচ) আৰু পঞ্জাব কিংছ (পি বি কে এছ) ক্ৰমে কলকাতা নাইট ৰাইডাৰ্ছ (কে কে আৰ) আৰু গুজৰাট টাইটানছ (জি টি)ৰ বিৰুদ্ধে পৰাজয়ৰ সন্মুখীন হোৱাৰ বিপৰীতে ব্যক্তিগত প্ৰদৰ্শনে পইণ্ট টেবুলত যথেষ্ট পাৰ্থক্য সৃষ্টি কৰে।

অৰেঞ্জ কেপ: অভিষেক শৰ্মাৰ পুনৰ ১ নং স্থান লাভ

অৰেঞ্জ কেপ দৌৰত পুনৰ জয়লাভ কৰিছে অভিষেক শৰ্মাই। কেকেআৰৰ বিৰুদ্ধে তেওঁ মাত্ৰ ১৫ ৰান সংগ্ৰহ কৰিছিল যদিও তথাপিও মুঠ ৪৪০ ৰানেৰে শীৰ্ষস্থান দখল কৰিছিল। তেওঁ দিল্লী কেপিটেলছৰ কে এল ৰাহুলক (৪৩৩ ৰান) অতিক্ৰম কৰিলে, যি এতিয়া দ্বিতীয় স্থানত আছে।

এই মেচত বিশাল স্কোৰ কৰাৰৰ সুযোগ নোপোৱা হাইনৰিখ ক্লাচেনে (৪২৫ ৰান) তৃতীয় স্থানত আছে। চতুৰ্থ স্থানত আছে ৰাজস্থান ৰয়েলছ (আৰ আৰ)ৰ বৈভৱ সূৰ্য্যবংশী (৪০৪ ৰান)।

এই তালিকাত নতুনকৈ সংযোজন হৈছে গুজৰাট টাইটানছৰ ছাই সুদৰ্শন, যিয়ে ৪১টা বলত ৫৭ ৰানৰ সুন্দৰ ইনিংছ খেলি নিজৰ মুঠ ইনিংছ ৩৮৫লৈ বৃদ্ধি কৰি শীৰ্ষ ৫ত প্ৰৱেশ কৰে।

ইয়াৰ উপৰিও ৪২ ৰানৰ ইনিংছৰে ঈশান কিষানে ৩৫৪ ৰানেৰে নৱম স্থানলৈ উন্নীত হোৱাৰ বিপৰীতে ২৮ বলত ৬১ ৰান সংগ্ৰহ কৰি ট্ৰেভিছ হেডে ১২ নম্বৰ স্থানলৈ জঁপিয়াই পৰিছে।

পাৰ্পল কেপ: ৰাবাদাৰ প্ৰচণ্ড প্ৰত্যাৱৰ্তন, তৃতীয় স্থানত উপনীত

বলৰ সৈতে উৎকৃষ্ট ফৰ্মত আছে কাগিছ’ ৰাবাদা। বিগত ছয়খন মেচত ১২টা উইকেট দখল কৰি পাৰ্পল কেপ ৰেছত মুঠ ১৬টা উইকেটৰে তৃতীয় স্থান দখল কৰিবলৈ সক্ষম হৈছে।

তেওঁ ৰয়েল চেলেঞ্জাৰছ বেংগালুৰুৰ (আৰ চি বি) ভুৱনেশ্বৰ কুমাৰ আৰু চেন্নাই ছুপাৰ কিংছৰ (চি এছ কে) অংশুল কামোজৰ পৰা মাত্ৰ এটা উইকেট পিছ পৰি আছে।

এই মেচত প্ৰসিদ্ধ কৃষ্ণই খেলা নাছিল যদিও ঈশান মালিংগাই উইকেটবিহীন হৈ যোৱাৰ বিপৰীতে ৰছিদ খানে মাত্ৰ এটা উইকেটহে মেনেজ কৰিছিল।

কিন্তু মহম্মদ চিৰাজ আৰু কাৰ্তিক ত্যাগীয়ে দুটাকৈ উইকেট দখল কৰি মুঠ ১১টা উইকেটলৈ বৃদ্ধি কৰি শীৰ্ষ দহটাত স্থান দখল কৰে।

हिन्दुस्थान समाचार / অৰৱিন্দ