আহমেদাবাদ, ০৪ মে’ (হি.স.)। আই পি এল ২০২৬ত গুজৰাট টাইটানছে চমৎকাৰ প্ৰদৰ্শন আগবঢ়াই তালিকাৰ শীৰ্ষস্থান দখল কৰা পঞ্জাব কিংছক ৪ উইকেটত পৰাস্ত কৰি একেৰাহে তৃতীয়বাৰৰ বাবে জয়লাভ কৰে। এই পৰাজয়ৰ পিছতো পঞ্জাব কিংছ পইণ্ট তালিকাৰ শীৰ্ষত আছে।

নৰেন্দ্ৰ মোডী ষ্টেডিয়ামত খেলা খেলখনত গুজৰাটে টছত জয়লাভ কৰি প্ৰথমে বলিং কৰিবলৈ বাছি লয়। ২০ অভাৰত ৯টা উইকেট হেৰুৱাই পঞ্জাবে মাত্ৰ ১৬৩ ৰানহে মেনেজ কৰিবলৈ সক্ষম হৈছিল। ইয়াৰ প্ৰতিক্ৰিয়া স্বৰূপে গুজৰাটে ১৯.৫ অভাৰত ৬টা উইকেট হেৰুৱাই ১৬৪ ৰানৰ লক্ষ্যত উপনীত হয়। এই জয়ৰ নায়ক আছিল ৱাশ্বিংটন সুন্দৰ, যিয়ে মৃত্যুমুখত পৰা মুহূৰ্তত ছয়ৰে খেলখনৰ অন্ত পেলায়।

গুজৰাটৰ বাবে ৰান চেজৰ আৰম্ভণি ভাল নহ’ল, অধিনায়ক শুভমান গিলে সোনকালে ওলাই আহিল। ইয়াৰ পিছতে ছাই সুদৰ্শনে ইনিংছটো স্থিৰ কৰি জোছ বাটলাৰৰ সৈতে এক গুৰুত্বপূৰ্ণ অংশীদাৰিত্ব গঠন কৰে। সুদৰ্শনে এক উজ্জ্বল অৰ্ধশতক অৰ্জন কৰি দলটোক শক্তিশালী স্থানত আগুৱাই লৈ যায়। আউট হোৱাৰ পাছত ৰাহুল তেৱাটিয়া আৰু ৱাশ্বিংটন সুন্দৰে সংযমেৰে বেটিং কৰি জয় নিশ্চিত কৰে।

ইয়াৰ পূৰ্বে পঞ্জাব কিংছৰ আৰম্ভণি বিপৰ্যয়জনক আছিল, মাত্ৰ ৪৭ ৰানত ৫টা উইকেট হেৰুৱাইছিল। অৱশ্যে হেঁচাত পৰি সূৰ্যাশ শ্বেডজে সুন্দৰ বেটিং কৰি ২৯টা বলত ৫৭ ৰান সংগ্ৰহ কৰে। মাৰ্কাছ ষ্ট’ইনিছৰ সৈতে তেওঁ দলটোক সন্মানজনক স্ক’ৰলৈ লৈ যায়। ষ্ট’ইনিছেও ৪০ ৰানৰ বৰঙণি আগবঢ়ায়।

গুজৰাটৰ হৈ জেছন হোল্ডাৰে ৪টা উইকেট দখল কৰি পঞ্জাৱৰ বেটিং সুস্থ হৈ উঠাত বাধা দিয়ে। মহম্মদ চিৰাজ আৰু কাগিছো ৰাবাদাই দলৰ জয়ত গুৰুত্বপূৰ্ণ ভূমিকা পালন কৰি ২টাকৈ উইকেট দখল কৰে।

এই জয়ৰ জৰিয়তে গুজৰাট টাইটানছে প্লে অফৰ দৌৰত নিজৰ স্থান শক্তিশালী কৰাৰ বিপৰীতে পঞ্জাব কিংছে একেৰাহে দ্বিতীয়বাৰৰ বাবে পৰাজয়ৰ পিছত নিজৰ কৌশল পুনৰ বিবেচনা কৰিব লাগিব ।

हिन्दुस्थान समाचार / মনোজ কুমাৰ শইকীয়া