ঢাকা, ২৮ এপ্ৰিল (হি.স.)। ছৌদি আৰৱত আৰু দুজন বাংলাদেশী হজযাত্ৰীৰ মৃত্যু হৈছে । হজ বুলেটিন অনুসৰি ছৌদি আৰৱত ১৭ এপ্ৰিলৰ পৰা হজ বিমান আৰম্ভ হোৱাৰ পৰা ২৭ এপ্ৰিললৈকে ছৌদি আৰৱত মৃত্যু হৈছে ছয়জন বাংলাদেশী হজযাত্ৰীৰ। সোমবাৰলৈকে মুঠ ৩৬,৯৯৬ বাংলাদেশী তীৰ্থযাত্ৰীয়ে ৯২খন বিমানেৰে চৌদি আৰৱত উপস্থিত হৈছে।

ঢাকা ট্ৰিবিউনত প্ৰকাশিত এক প্ৰতিবেদন অনুসৰি তীৰ্থযাত্ৰীসকলৰ মৃত্যুৰ বাতৰি বুলেটিনত প্ৰকাশ পাইছে। ইয়াত উল্লেখ কৰা হৈছে যে এতিয়ালৈকে চৰকাৰী ব্যৱস্থাৰ অধীনত ৩,২৮৪ জন তীৰ্থযাত্ৰী ছৌদি আৰৱত উপস্থিত হোৱাৰ বিপৰীতে ৩৩,৭১২ জন তীৰ্থযাত্ৰী ব্যক্তিগত সংস্থাৰ জৰিয়তে গৈছে। এতিয়ালৈকে বিমান বাংলাদেশ এয়াৰলাইন্সে ৪০খন, ছৌদি এয়াৰলাইন্সৰ ৩৪খন, ফ্লাইনাছে ১৮খন বিমান চলাইছে ।

বিমান বাংলাদেশ এয়াৰলাইন্সে ১৬,৫৮৭ জন যাত্ৰী, ছৌদি এয়াৰলাইন্সে ১২,৮৬০, আৰু ফ্লাইনাছে ৭,৫৪৯ যাত্ৰী পৰিবহণ কৰিছে। স্বাভাৱিক কাৰণত ৬ গৰাকী হজযাত্ৰীৰ মৃত্যু হোৱা বুলিও হজ বুলেটিনে নিশ্চিত কৰিছে।

চৰকাৰী মুখপাত্ৰৰ মতে, এইবাৰ বাংলাদেশৰ পৰা মুঠ ৭৮,৫০০ হজযাত্ৰীক হজ কৰাৰ অনুমতি দিয়া হৈছে। ইয়াৰ বাবে ৩০টা মূল সংস্থাকে ধৰি ব্যক্তিগত পৰিচালনাৰ অধীনত ৬৬০টা সংস্থাই হজ সম্পৰ্কীয় কাম-কাজ চম্ভালি আছে। ঢাকাত থকা ছৌদি দূতাবাসে ৭৮,২৯৭ খন ভিছা প্ৰদান কৰিছে। ইফালে চন্দ্ৰ দৰ্শনৰ ভিত্তিত ২৬ মে’ত চৌদি আৰৱত পবিত্ৰ হজ অনুষ্ঠিত হোৱাৰ সম্ভাৱনা আছে।

हिन्दुस्थान समाचार / মনোজ কুমাৰ শইকীয়া