কাঠমাণ্ডূ, ০৬ মাৰ্চ (হি.স.)। পূৰ্বৰ প্ৰধানমন্ত্ৰী ড° বাবুৰাম ভট্টৰাইয়ে কৈছে যে ৰাষ্ট্ৰীয় স্বাধীনতা পাৰ্টী (আৰ.এছ.পি.)ৰ পক্ষে দেখা গৈ থকা জনতাৰ ঢল সুশাসন আৰু সমৃদ্ধিৰ প্ৰত্যাশা কৰা নাগৰিকসকলৰ 'শান্তিপূৰ্ণ বিদ্ৰোহ'।

প্ৰাথমিক নিৰ্বাচনৰ ফলাফল প্ৰকাশ পোৱাৰ লগে লগে ছ’চিয়েল মিডিয়াৰ জৰিয়তে এই মন্তব্য কৰে ভট্টৰায়ে। তেওঁ লিখিছে, এটা ঐতিহাসিক গণ আন্দোলনৰ পিছত বিশেষ পৰিস্থিতিত অনুষ্ঠিত হোৱা সাধাৰণ নিৰ্বাচনত সমগ্ৰ দেশতে নতুনকৈ গঠন হোৱা আৰ এছ পিৰ সপক্ষে ঢৌ দেখা যায়। সকলোৱে স্বীকাৰ কৰা উচিত যে এইটো মূলতঃ সাধাৰণ নাগৰিকে সুশাসন আৰু সমৃদ্ধিৰ আকাংক্ষা পূৰণৰ বাবে প্ৰকাশ কৰা শান্তিপূৰ্ণ বিদ্ৰোহ।

লগতে আৰ এছ পি আৰু ইয়াৰ নেতৃত্বক অভিনন্দন জ্ঞাপন কৰে। ৰাইজৰ বৈধ আকাংক্ষা পূৰণ কৰাৰ সমান্তৰালকৈ দেশৰ দীৰ্ঘদিনীয়া আভ্যন্তৰীণ অৰ্থনৈতিক আৰু ৰাজনৈতিক প্ৰত্যাহ্বানৰ লগতে বাহ্যিক ভূ-ৰাজনৈতিক সমস্যাসমূহ মোকাবিলা কৰাত দলটোৱে সফল হ'ব বুলি ভট্টৰাইয়ে আশা প্ৰকাশ কৰে।

हिन्दुस्थान समाचार / মনোজ কুমাৰ শইকীয়া