কাঠমাণ্ডু, ০৬ মাৰ্চ (হি.স.)। নেপালত ৫ মাৰ্চত প্ৰতিনিধি সদনৰ নিৰ্বাচনৰ পিছত প্ৰাৰম্ভিক ভোট গণনাৰ ধাৰাটোৱে নেপাল কমিউনিষ্ট পাৰ্টি (ইউনিফাইড মাৰ্ক্সবাদী-লেনিনবাদী) (চিপিএন-ইউএমএল)ৰ বাবে এক বৃহৎ বিপৰ্যয়ৰ ইংগিত দিয়ে।

নেপালী ৰাজনীতিৰ এক মূল স্তম্ভ হিচাপে গণ্য কৰা এই দলটোৱে ইতিহাসৰ অন্যতম দুৰ্বল প্ৰদৰ্শনৰ দিশে আগবাঢ়িছে যেন লাগে। প্ৰায় সাত দশকজুৰি চলি থকা ৰাজনৈতিক উত্তৰাধিকাৰেৰে ১৯৯১ চনৰ সংসদীয় নিৰ্বাচনৰ পিছৰে পৰা নেপালী কংগ্ৰেছৰ মূল প্ৰতিযোগী হিচাপে কাম কৰি আহিছে। ২০০৮ চনৰ সংবিধান বিধানসভাৰ নিৰ্বাচনত মাওবাদী উত্থানৰ পিছত দলটোৱে বৃহৎ বিপৰ্যয়ৰ সন্মুখীন হ’লেও পৰৱৰ্তী সময়ত মাওবাদী দলৰ ভিতৰত বিভাজনৰ বাবে ইউএমএলে পুনৰ শক্তি লাভ কৰে।

কিন্তু চলিত নিৰ্বাচনত ভোট গণনাই ইংগিত দিয়ে যে ইউ এম এলৰ আন এক চেঁচা পৰাজয়ৰ সন্মুখীন হোৱাৰ সম্ভাৱনা আছে, যিটোৱে সম্ভৱতঃ আজিলৈকে হোৱা আটাইতকৈ ডাঙৰ আৰু অপমানজনক পৰাজয়ৰ চিন স্বৰূপ। ৫ নং ঝাপা সমষ্টিত দলৰ সভাপতি তথা প্ৰাক্তন প্ৰধানমন্ত্ৰী কে পি শৰ্মা অলিয়ে বালেন শ্বাহ (ৰাষ্ট্ৰীয় স্বতন্ত্ৰ দল)তকৈ যথেষ্ট ব্যৱধানত পিছ পৰি আছে। শ্বাহৰ ভোটৰ ভাগ চাৰিগুণ বেছি।

একেদৰে ৫ নং কাঠমাণ্ডু সমষ্টিতো প্ৰাৰম্ভিক গণনাত তৃতীয় স্থানত আছে ইউ এম এলৰ প্ৰাক্তন জ্যেষ্ঠ উপ সভাপতি ঈশ্বৰ পোখাৰেল। শেহতীয়া তথ্য অনুসৰি সাস্মিত পোখাৰেলে ৯১২৪টা, প্ৰদীপ পৌডেলে (নেপালী কংগ্ৰেছ) ২৮৮৭টা ভোট লাভ কৰাৰ বিপৰীতে ঈশ্বৰ পোখাৰেলে ১৫৫৮টা ভোট লাভ কৰিছে।

২নং ৰূপাণ্ডেহী সমষ্টিতো যথেষ্ট পিছ পৰি আছে ইউ এম এলৰ আন এগৰাকী উপ সভাপতি বিষ্ণু পৌডেল।ইয়াত সুলভ খৰেলে ১০,৫১৯টা ভোট লাভ কৰাৰ বিপৰীতে পৌডেলে এই পৰ্যন্ত ২,১৯৩টা ভোট লাভ কৰিছে।

একেদৰে ২ নং ঝাপা সমষ্টিত পিছ পৰি আছে ইউ এম এলৰ নেতা তথা প্ৰাক্তন সভাৰমুখ দেৱৰাজ ঘিমিৰে।প্ৰাথমিক ফলাফল অনুসৰি ইন্দিৰা ৰাণা মাগৰে ৩৩৯৫টা ভোট লাভ কৰাৰ বিপৰীতে ঘিমিৰে ১৩১০টা ভোট লাভ কৰে।

ইফালে, ইউ এম এলৰ সম্পাদক মহেশ বাছনেটো ২ নং ভক্তপুৰ সমষ্টিত পিছ পৰি আছে।শেহতীয়া ভোট গণনা অনুসৰি ৰাজীৱ খাত্ৰীয়ে ৪০৮৪ টা ভোট লাভ কৰি আগবাঢ়ি আছে, আনহাতে বাছনেটে ১,৮১৯ টা ভোট লাভ কৰিছে।

ইফালে, ২ নং ডাং সমষ্টিত পিছ পৰি আছে ইউ এম এলৰ সাধাৰণ সম্পাদক শংকৰ পোখাৰেল আৰু লামজুঙত পিছ পৰি আছে জ্যেষ্ঠ নেতা পৃথ্বী চুব্বা গুৰুং।

সমগ্ৰ দেশৰ প্ৰাৰম্ভিক ধাৰা অনুসৰি ইউএমএলে এতিয়াও দুটা সংখ্যাত উপনীত হ’ব পৰা নাই, আনহাতে ৰাষ্ট্ৰীয় স্বতন্ত্ৰ পাৰ্টিয়ে ৮৬টা সমষ্টিত আগবাঢ়ি আছে।

हिन्दुस्थान समाचार / মনোজ কুমাৰ শইকীয়া