১৯৭১ চনৰ ৮ ফেব্ৰুৱাৰীত ৮৪ বছৰ বয়সত শেষ নিশ্বাস ত্যাগ কৰে কানহাইয়ালাল মণিকলাল মুন্সীয়ে। ১৮৮৭ চনৰ ২৯ ডিচেম্বৰত ভাৰুচ (গুজৰাট)ত জন্মগ্ৰহণ কৰা কানহাইয়ালাল মুন্সী আছিল এজন বিশিষ্ট স্বাধীনতা সংগ্ৰামী, ৰাজনীতিবিদ, আইনী বিশেষজ্ঞ, আৰু প্ৰখ্যাত সাহিত্যিক যিয়ে বম্বেৰ গৃহমন্ত্ৰী আৰু উত্তৰ প্ৰদেশৰ ৰাজ্যপাল হিচাপে কাৰ্যনিৰ্বাহ কৰিছিল। ভাৰত চৰকাৰৰ খাদ্য মন্ত্ৰীৰ পদতো তেওঁ অধিষ্ঠিত হৈছিল। তেওঁ মুম্বাইত ভাৰতীয় বিদ্যা ভৱন প্ৰতিষ্ঠা কৰে। তেওঁৰ সাহিত্যিক অৱদানও উল্লেখযোগ্য আছিল।

চৰ্দাৰ বল্লভভাই পেটেলৰ নেতৃত্বত ১৯২৮ চনৰ বৰদলৈ সত্যগ্ৰহত কানহাইয়ালাল মুনশীয়ে সক্ৰিয়ভাৱে অংশগ্ৰহণ কৰিছিল। ১৯৩০ চনত মহাত্মা গান্ধীৰ নিমখ সত্যাগ্ৰহত পত্নীৰ সৈতে অংশ গ্ৰহণ কৰি লৱণ সত্যগ্ৰহত অংশগ্ৰহণ কৰাৰ বাবে ছমাহ কাৰাদণ্ড বিহা হৈছিল। ১৯৩১ চনত নাগৰিক অবাধ্যতা আন্দোলনত অংশগ্ৰহণ কৰাৰ অপৰাধত তেওঁক দুবছৰ কাৰাদণ্ড বিহা হয়। ১৯৩৭ চনত কানহাইয়ালাল মুন্সীক তেতিয়াৰ বম্বে ৰাষ্ট্ৰপতিৰ প্ৰথম নিৰ্বাচিত চৰকাৰত মন্ত্ৰী হিচাপে নিযুক্তি দিয়া হয়।

১৯৩৮ চনৰ নৱেম্বৰ মাহত ভাৰতৰ সাংস্কৃতিক আৰু মতাদৰ্শগত নৱজাগৰণৰ জৰিয়তে ভাৰতৰ বৰ্তমান আৰু ভৱিষ্যতক লালন-পালন কৰিবলৈ ভাৰতীয় বিদ্যা ভৱন প্ৰতিষ্ঠা কৰে। ১৯৩৮ চনত মুনশী আৰু তেওঁৰ তিনিজন বন্ধুৰ পৰা বছৰি ২৫০ টকাৰ বৰঙণিৰে প্ৰতিষ্ঠা হোৱা ভাৰতীয় বিদ্যা ভৱনৰ আজি বিশ্বজুৰি প্ৰায় ১২০টা কেন্দ্ৰ আৰু ৩৫০টাতকৈও অধিক সংযুক্ত শিক্ষানুষ্ঠান আছে। ভৱনৰ বহু সংযুক্ত প্ৰতিষ্ঠানে অভিযান্ত্ৰিক, তথ্য প্ৰযুক্তি, পৰিচালনা, যোগাযোগ আৰু সাংবাদিকতা, বিজ্ঞান, কলা, বাণিজ্যৰ শিক্ষা প্ৰদান কৰে।

১৯৪৭ চনত হায়দৰাবাদৰ নিজামে তেওঁৰ ৰাজ্যখনক স্বতন্ত্ৰ জাতি হিচাপে স্বীকৃতি দিয়াৰ দাবীত ভাৰত চৰকাৰে কে.এল. মুনশীক হায়দৰাবাদত ভাৰত চৰকাৰৰ প্ৰতিনিধি (এজেণ্ট জেনেৰেল) হিচাপে বিষয়টো সমাধান কৰিবলৈ। হায়দৰাবাদ ৰাজ্য ভাৰতৰ সৈতে একত্ৰিত হোৱাৰ পিছত তদানীন্তন গৃহমন্ত্ৰী চৰ্দাৰ পেটেলে এই অভিযানত মুনশীৰ গুৰুত্বপূৰ্ণ ভূমিকাক অতিশয় প্ৰশংসা কৰে।

ড° ৰাজেন্দ্ৰ প্ৰসাদ ৰাষ্ট্ৰপতি নিৰ্বাচিত হোৱাৰ পিছত তেওঁৰ ঠাইত মুনশীয়ে কেন্দ্ৰীয় মন্ত্ৰীসভাত কৃষি আৰু খাদ্য মন্ত্ৰী হিচাপে নিযুক্তি লাভ কৰে। এই সময়ছোৱাত তেওঁ পৰিৱেশ আৰু বনজ সম্পদ সুৰক্ষাৰ বাবে কেইবাটাও ফলপ্ৰসূ প্ৰচেষ্টা আৰম্ভ কৰে। প্ৰতি বছৰে জুলাই মাহত অনুষ্ঠিত হোৱা বন মহোৎসৱ এই প্ৰচেষ্টাৰ ফল।

স্বাধীন ভাৰতৰ সোমনাথ মন্দিৰৰ পুনৰ নিৰ্মাণৰ কামো আছিল কে.এম. মুন্সিৰ এজেণ্ডা। ১৯৫২ চনৰ পৰা ১৯৫৭ চনলৈ কানহাইয়ালাল মুন্সীয়ে উত্তৰ প্ৰদেশৰ ৰাজ্যপাল হিচাপে কাৰ্যনিৰ্বাহ কৰিছিল। ১৯৫৯ চনত কে.এম. মুন্সীয়ে কংগ্ৰেছ দলৰ পৰা পদত্যাগ কৰি চক্ৰৱৰ্তী ৰাজগোপালাচাৰীৰ স্বতন্ত্ৰ পাৰ্টিত যোগদান কৰে। অলপ পিছতে তেওঁ ভাৰতীয় জনসংঘত যোগদান কৰে।

কানহাইয়ালাল মুন্সিৰ সাহিত্যিক কৃতিত্ব অসাধাৰণ। তেওঁ ইয়ং ইণ্ডিয়া কাকত সম্পাদনা কৰাৰ লগতে মুনশী প্ৰেমচান্দৰ সৈতে হান্স আলোচনী সম্পাদনা কৰে। গুজৰাটী, হিন্দী, ইংৰাজী ভাষাত তেওঁ এশৰো অধিক উৎকৃষ্ট গ্ৰন্থ ৰচনা কৰিছিল। তেওঁ চৰ্দাৰ পেটেলৰ সৈতে মিলি আনন্দত ভাৰতীয় কৃষি প্ৰতিষ্ঠান প্ৰতিষ্ঠা কৰে, যিখন বৰ্তমান এখন পূৰ্ণাংগ বিশ্ববিদ্যালয়।

অন্যান্য গুৰুত্বপূৰ্ণ পৰিঘটনা:

১২৩৮ - মংগোলীয়সকলে ৰাছিয়াৰ ভ্লাদিমিৰ চহৰ জ্বলাই দিয়ে।

১৭৮৫ - পৰা ১৭৭৪ চনৰ পৰা ১৭৮৫ চনলৈ গৱৰ্ণৰ জেনেৰেল ৱাৰেন হেষ্টিংছ ভাৰত এৰি যায়।

১৮৭২ - শ্বেৰ আলীয়ে আন্দামান কাৰাগাৰত (চেলুলাৰ জেল বা 'কালাপানী') ৰাজ্যপালক আক্ৰমণ কৰি শ্বহীদ হয়।

১৯০৫ - হাইটি আৰু ইয়াৰ আশে-পাশে থকা দ্বীপসমূহত এক বৃহৎ ঘূৰ্ণীবতাহৰ সৃষ্টি হয় আৰু দহ হাজাৰ লোকৰ মৃত্যু হয়।

১৯০৯ - ইউৰোপীয় দেশ ফ্ৰান্স আৰু জাৰ্মানীৰ মাজত মৰক্কো চুক্তি স্বাক্ষৰিত হয়।

১৯৪৩ - স্বাধীনতা সংগ্ৰামী নেতাজী সুভাষ চন্দ্ৰ বসুৱে জাৰ্মানীৰ কিলৰ পৰা নাৱেৰে জাপান অভিমুখে ৰাওনা হয়।

১৯৭১ - দক্ষিণ ভিয়েটনামী বাহিনীয়ে লাওছ আক্ৰমণ কৰে।

১৯৭৯ - আমেৰিকাই নেভাদাত পাৰমাণৱিক পৰীক্ষা চলায়।

১৯৮৬ - দিল্লী বিমানবন্দৰত প্ৰথমবাৰৰ বাবে প্ৰিপেইড টেক্সি সেৱা আৰম্ভ হয়।

১৯৯৪ - ক্ৰিকেটাৰ কপিল দেৱে ৪৩২টা উইকেট দখল কৰি টেষ্ট মেচত সৰ্বাধিক উইকেট দখল কৰি ৰিচাৰ্ড হেডলীৰ বিশ্ব অভিলেখ ভংগ কৰে।

১৯৯৯ ০ কেনেডি মহাকাশ কেন্দ্ৰৰ পৰা আমেৰিকাৰ মহাকাশযান ষ্টাৰডাষ্ট উৎক্ষেপণ কৰা হয়।

২০০২ - ভাৰত আৰু ৰাছিয়াৰ মাজত চাৰিখন প্ৰতিৰক্ষা চুক্তি সম্পাদন হোৱাৰ বিপৰীতে বিমানবাহী জাহাজ গৰ্ছকোভৰ চুক্তি স্থবিৰ হৈ পৰে।

আমেৰিকাৰ ছল্ট লেক চিটিত ১৯ সংখ্যক শীতকালীন অলিম্পিক গেমছ আৰম্ভ হয়।

২০০৫ - ইজৰাইল আৰু পেলেষ্টাইনৰ মাজত শ্বাৰম এল শ্বেখ (ইজিপ্ত) শীৰ্ষ সন্মিলনত হিংসাত্মক পৰিস্থিতিৰ অন্ত পৰাৰ কথা ঘোষণা কৰা হয়।

২০০৬ - ছিউলত ভাৰত আৰু দক্ষিণ কোৰিয়াৰ মাজত তিনিখন চুক্তি স্বাক্ষৰিত হয়।

২০০৭ - ভূটানৰ ৰজাই প্ৰথম ভাৰত ভ্ৰমণ কৰে।

২০০৮ - বাংগালুৰুৰ ভাৰতীয় বিজ্ঞান প্ৰতিষ্ঠানৰ জ্যেষ্ঠ বিজ্ঞানী শান্তনু ভট্টাচাৰ্যক জি ডি বিৰলা বঁটাৰে সন্মানিত কৰা হয়।

ওড়িশাৰ ছিছুপালগড়ত খননৰ সময়ত ২৫০০ বছৰ পুৰণি এখন চহৰ আৱিষ্কাৰ হয়।

২০০৯ - চৰকাৰৰ উদাসীনতাত ক্ষুব্ধ হৈ প্ৰাক্তন সেনাবাহিনীয়ে নিজৰ পদক ৰাষ্ট্ৰপতিলৈ ঘূৰাই দিয়ে।

২০১০ - শ্ৰীনগৰৰ সমীপৰ খিলানমাৰ্গ অঞ্চলত হোৱা হিমস্খলনে সেনাৰ হাই এলটিটুড ৱাৰফেয়াৰ স্কুলৰ ৩৫০ জন জোৱানক বৰফে হেঁচা মাৰি ধৰে। ইয়াৰে ৭০ জন জোৱানক নিৰাপদে উদ্ধাৰ কৰাৰ বিপৰীতে ১১ জন জোৱানৰ মৃতদেহ উদ্ধাৰ কৰা হয়।

২০১৪ - চৌদি আৰৱৰ মদিনাত এখন হোটেলত অগ্নিকাণ্ড সংঘটিত হয় আৰু ১৫ জন লোকৰ মৃত্যু হয় আৰু ১৩০ জন আহত হয়।

জন্ম

১৮৯৭ - ড° জাকিৰ হুছেইন - স্বতন্ত্ৰ ভাৰতৰ তৃতীয় ৰাষ্ট্ৰপতি

১৯২৫ - আজিৰ দিনটোতে শোভা গুৰটু - বিখ্যাত ভাৰতীয় থুমৰি গায়িকা

১৯২৮ - বালা দেশাই - গোমন্তক দলৰ সদস্য।

১৯৪১ - জগজিৎ সিং - বিখ্যাত গজল গায়ক

১৯৩৯ - জেমছ মাইকেল লিংডোহ - ভাৰতৰ দ্বাদশ মুখ্য নিৰ্বাচন আয়ুক্ত

১৯৫১ - আজিৰ দিনটোতে অশোক চক্ৰধৰ - হিন্দী মঞ্চৰ অন্যতম প্ৰখ্যাত কবি

১৯৬৩ - আজহাৰুদ্দিন মহম্মদ - ভাৰতীয় ক্ৰিকেট দলৰ প্ৰাক্তন অধিনায়ক আৰু কংগ্ৰেছ নেতা

১৯৮৬ - একতা বিষ্ট - ভাৰতীয় মহিলা ক্ৰিকেটাৰ

১৮৩৪ - দিমিত্ৰী মেণ্ডেলিভ - ৰাছিয়ান ৰসায়নবিদ যিয়ে পৰ্যাবৃত্ত তালিকা প্ৰস্তুত কৰে

মৃত্যু

১২৬৫ - হুলেগু খান - ইলখানাতে সাম্ৰাজ্যৰ প্ৰতিষ্ঠাপক

১৯৭১ - কানহাইয়ালাল মণিকলাল মুন্সী - স্বাধীনতা সংগ্ৰামী, মহান সাহিত্যিক, শিক্ষাবিদ আৰু ৰাজনীতিবিদ

১৯৯৫ - কল্পনা দত্ত - স্বাধীনতাৰ বাবে যুঁজ দিয়া মহিলা বিপ্লৱীসকলৰ ভিতৰত অন্যতম

১৯৯৫ - টিকা ৰাম পালিৱাল - ৰাজস্থানৰ চতুৰ্থ মুখ্যমন্ত্ৰী

हिन्दुस्थान समाचार / অৰৱিন্দ