মুম্বাই, ১১ নৱেম্বৰ (হি.স.)। অভিনেত্ৰী হুমা কুৰেশ্বীৰ জনপ্ৰিয় ৱেব ছিৰিজ মহাৰাণীৰ পঞ্চম ছিজন আনুষ্ঠানিকভাৱে ঘোষণা কৰা হৈছে । চনী লিভে নতুন ছিজনৰ টিজাৰ মুকলি কৰিছে, য’ত হুমাই পুনৰবাৰ ৰাণী ভাৰতীৰ শক্তিশালী চৰিত্ৰত অভিনয় কৰিছে। এতিয়ালৈকে ধাৰাবাহিকখনৰ চাৰিটা ছিজন মুক্তি পাইছে, আৰু প্ৰত্যেকেই ইতিবাচক সঁহাৰি লাভ কৰিছে। নতুন টিজাৰৰ লগতে প্ৰযোজকসকলে ইয়াৰ মুক্তিৰ তাৰিখো ঘোষণা কৰিছে।

টিজাৰটোৱে ইংগিত দিয়ে যে এইবাৰ ৰাণী ভাৰতীৰ যুঁজ কেৱল ক্ষমতা অৰ্জনতে সীমাবদ্ধ নাথাকিব; বৰঞ্চ কাহিনীটো ব্যক্তিগত প্ৰতিশোধ আৰু এগৰাকী মাতৃৰ খংৰ ওপৰত আবদ্ধ হ’ব। বিগত ছিজনৰ পৰিঘটনাক অনুসৰণ কৰি এই কাহিনীটোত বিহাৰৰ পৰা দিল্লীলৈকে ৰাজনৈতিক মহলত চলি থকা ক্ষমতা সংগ্ৰামক চিত্ৰিত কৰা হ’ব। প্ৰতিদ্বন্দ্বী দলৰ সৈতে স্ক’ৰ নিষ্পত্তিৰ উদ্দেশ্যেৰে খেলপথাৰত প্ৰৱেশ কৰা দেখা যাব ৰাণী ভাৰতীয়ে।

মহাৰাণী ৫ৰ প্ৰযোজক সুভাষ কাপুৰ আৰু পৰিচালক পুনীত প্ৰকাশ। ২০২৭ চনৰ ফেব্ৰুৱাৰী মাহত ছ 'নি লিভত মুক্তি পাব এই ধাৰাবাহিকখন।নতুন ছিজনৰ টিজাৰে দৰ্শকৰ কৌতুহল জগাই তুলিছে। এতিয়া লক্ষ্যণীয় হ’ব ৰাণী ভাৰতীৰ এই নতুন যুদ্ধই কাহিনী ক’লৈ লৈ যায়।

-----------------

হিন্দুস্থান সমাচাৰ / অৰৱিন্দ