আহমেদাবাদ, ০৭ অক্টোবৰ (হি.স.)। কমনৱেলথ কিউ স্প’ৰ্টছ চেম্পিয়নশ্বিপৰ দ্বিতীয় সংস্কৰণ বুধবাৰৰ পৰা আৰম্ভ হৈছে । কমনৱেলথৰ ৪২খন দেশৰ ১৪৪গৰাকী খেলুৱৈয়ে অংশগ্ৰহণ কৰিব। অহা ৮ অক্টোবৰৰ পৰা ১০ অক্টোবৰলৈ বীৰ সাৱৰকাৰ ক্ৰীড়া কমপ্লেক্সত অনুষ্ঠিত হ’ব প্ৰতিযোগিতা।৭ অক্টোবৰত অনুষ্ঠিত হোৱা মুকলি সভা।প্ৰথমবাৰৰ বাবে ভাৰতত অনুষ্ঠিত হৈছে এই সন্মানীয় বহুবিষয়ক অনুষ্ঠান।

আহমেদাবাদত অহা তিনিদিনত অভিজ্ঞ চেম্পিয়ন, উদীয়মান প্ৰতিভা, আৰু ভাৰতৰ শীৰ্ষ খেলুৱৈসকলে কমনৱেলথ খিতাপৰ বাবে প্ৰতিদ্বন্দ্বিতা কৰিব।

এই চেম্পিয়নশ্বিপত ৭২ জন পুৰুষ আৰু ৭২ গৰাকী মহিলা খেলুৱৈয়ে পাঁচটা শাখাত প্ৰতিযোগিতাত অংশগ্ৰহণ কৰিব— ইংৰাজী বিলিয়াৰ্ড, স্নুকাৰ, ১০ বল পুল, হাইবল, আৰু ব্লেকবল। চাৰিদিনীয়া এই ইভেণ্টত মুঠ ১০টা পদক ইভেণ্টত প্ৰতিদ্বন্দ্বিতা কৰা হ’ব। ভাৰতীয় বিলিয়ার্ডছ এণ্ড স্নুকাৰ ফেডাৰেশ্যনৰ শতবাৰ্ষিকী উদযাপনৰ বাবেও এই প্রতিযোগিতাৰ এক গুৰুত্বপূর্ণ অংশ৷

২০২৫ চনত মৰিচাছত অনুষ্ঠিত হোৱা উদ্বোধনী চেম্পিয়নশ্বিপত ভাৰতে পাঁচটা পদক লাভ কৰিছিল।এইবাৰ ঘৰুৱা মাটিত ভাৰতীয় প্ৰত্যাহ্বানৰ নেতৃত্ব দিব বৰ্তমানৰ কমনৱেলথ মহিলা হাইবল চেম্পিয়ন বিদ্যা পিল্লাই, পুৰুষৰ হাইবল ৰূপৰ পদক বিজয়ী শিৱম অৰোৰা, আৰু মহিলাৰ ১০ বলৰ পুলৰ ৰূপৰ পদক বিজয়ী চিত্ৰ মাগিমীৰাজে। তিনিওজন খেলুৱৈয়ে পদকৰ সংখ্যা বৃদ্ধিৰ লক্ষ্য ৰাখিব।

ভাৰতীয় খেলুৱৈসকলে ইংলেণ্ডৰ কেলি ফিচাৰ আৰু ৰেবেকা কেনা, দক্ষিণ আফ্ৰিকাৰ ক্ৰেগ বাৱাৰ, মালয়েছিয়াৰ লিম কক লিয়ং, ৱেলছৰ ডেৰেন মৰ্গান আদি খেলুৱৈকে ধৰি শক্তিশালী আন্তঃৰাষ্ট্ৰীয় প্ৰতিযোগিতাৰ সন্মুখীন হ’ব।

বিশ্ব বিলিয়াৰ্ডছ স্প’ৰ্টছ কনফেডাৰেচনৰ উপ-সভাপতি মুবাৰক আল-খায়াৰিনে কয়, ‘কমনৱেলথ কিউ স্প’ৰ্টছ চেম্পিয়নশ্বিপ এই ক্ৰীড়াৰ বাবে এক উল্লেখযোগ্য অনুষ্ঠান, আৰু আমি আনন্দিত যে এইবাৰৰ সংস্কৰণ ভাৰতৰ আহমেদাবাদত অনুষ্ঠিত হৈছে আমি এক ৰোমাঞ্চকৰ চেম্পিয়নশ্বিপৰ আশা কৰিছো আৰু আহমেদাবাদত খেলুৱৈসকলে নিজৰ শ্ৰেষ্ঠ প্ৰদৰ্শন কৰিবলৈ আগ্ৰহী।”

কনফেডাৰেচনৰ ব’ৰ্ড মেম্বাৰ গ্ৰীটা ষ্টিনকেম্পে কয় যে, “আমি কমনৱেলথ কিউ স্প’ৰ্টছ চেম্পিয়নশ্বিপক ভাৰতলৈ আদৰণি জনাই আনন্দিত হৈছো আৰু কমনৱেলথৰ বিভিন্ন প্ৰান্তৰ খেলুৱৈসকলক একত্ৰিত কৰা এই অনুষ্ঠানটোক সমৰ্থন কৰি আনন্দিত হৈছো আহমেদাবাদত অনুষ্ঠিত হ’বলগীয়া এখন ডাঙৰ প্ৰতিযোগিতালৈ আগবাঢ়িছো আৰু আগন্তুক প্ৰতিযোগিতাসমূহত সকলো খেলুৱৈকে শুভকামনা জনাইছো।”

ইভেণ্টৰ পূৰ্বে অনুষ্ঠিত সংবাদমেলত উপস্থিত আছিল বিশ্ব বিলিয়াৰ্ড ক্ৰীড়া কনফেডাৰেচনৰ উপ-সভাপতি মুবাৰক আল-খায়াৰিন, কনফেডাৰেচনৰ ব’ৰ্ডৰ সদস্য গ্ৰেটা ষ্টিনকেম্প, এণ্টি ড’পিং সঞ্চালক জেমছ লিচি, বিলিয়াৰ্ডছ এণ্ড স্নুকাৰ ফেডাৰেচন অৱ ইণ্ডিয়াৰ সভাপতি এছ বালাসুব্ৰমণিয়াম, সাধাৰণ সম্পাদক সুনীল বাজাজ, গুজৰাট স্নুকাৰ আৰু বিলিয়াৰ্ড এছ’চিয়েশ্যনৰ সভাপতি অভিষেক শ্বাহ, এপেক্স স্প’ৰ্টছৰ চিইঅ’ আৰু প্ৰতিষ্ঠাপক আৰু ভাৰতীয় ক্যু স্প’ৰ্টছ খেলুৱৈ শিৱম অৰোৰা, অন্যান্য বিষয়াসকলৰ লগতে।

-----------------

হিন্দুস্থান সমাচাৰ / অৰৱিন্দ