মুম্বাই, ২১ অক্টোবৰ (হি.স.)। চলচ্চিত্ৰ নিৰ্মাতা ৰাম গোপাল বৰ্মাই তেওঁৰ আগন্তুক একচন থ্ৰিলাৰ ছবি পুলিচ কোম্পানীৰ প্ৰথম লুক মুকলি কৰিছে। তেওঁ ছবিখনৰ মুক্তিৰ দিনো ঘোষণা কৰে। টি ছিৰিজৰ বেনাৰত নিৰ্মিত এই ছবিখনত অভিনেতা হৰ্ষবৰ্ধন ৰাণে মুখ্য চৰিত্ৰত অভিনয় কৰিছে। আৰক্ষী আৰু অপৰাধৰ জগতখনৰ আধাৰত নিৰ্মিত ছবিখন ২০২৭ চনৰ ৪ জুনত ছবিগৃহত মুক্তি পাব।
ছবিখনৰ পোষ্টাৰত আৰক্ষী বিষয়াৰ নিৰ্ভীক আৰু আক্ৰমণাত্মক ভাবমূৰ্তি চিত্ৰিত কৰা হৈছে। মুম্বাইৰ প্ৰখ্যাত এনকাউণ্টাৰ বিশেষজ্ঞ দয়া নায়কৰ চৰিত্ৰত অভিনয় কৰিব হৰ্ষবৰ্ধন ৰাণে। সঁচা ঘটনাৰ পৰা অনুপ্ৰাণিত হৈ এই ছবিখন ১৯৯৭ চনৰ পৰা ২০০৪ চনৰ ভিতৰত মুম্বাইৰ পাতাল জগতখনৰ ওপৰত আৰক্ষীয়ে কৰা দমনৰ আশে-পাশে ঘূৰি আছে।এই সময়ছোৱাত প্ৰায় ৩০০ গেংষ্টাৰক হত্যা কৰা ঘটনাই ছবিখনৰ আখ্যানৰ ভিত্তি গঠন কৰিছে।
হৰ্ষবৰ্ধন ৰানেৰ উপৰিও ফাৰ্দিন খান, ফাতিমা চানা শ্বেইখ, আৰু পৰেশ ৰাৱালক ‘পুলিচ কোম্পানী’ত গুৰুত্বপূৰ্ণ চৰিত্ৰত দেখা যাব। ৰাম গোপাল বৰ্মাই ছবিখনৰ প্ৰথম আভাস ছ’চিয়েল মিডিয়াত শ্বেয়াৰ কৰাৰ লগতে ইয়াৰ চৰিত্ৰ আৰু কাহিনীৰ সৈতে জড়িত তথ্যও শ্বেয়াৰ কৰে। ছবিখনৰ ঘোষণা আৰু পোষ্টাৰখন মুক্তি পোৱাৰ লগে লগে দৰ্শকৰ মাজত কৌতুহল বাঢ়িছে।
হিন্দুস্থান সমাচাৰ / অৰৱিন্দ
