কাঠমাণ্ডু, ১৯ অক্টোবৰ (হি.স.)। নেপালৰ ৰাষ্ট্ৰপতি ৰামচন্দ্ৰ পৌডেলে সোমবাৰে দশেৰা উপলক্ষে কাঠমাণ্ডু উপত্যকাৰ বিভিন্ন শক্তিপীঠ ভ্ৰমণ কৰি পূজা-অৰ্চনা কৰি টিকা আৰু প্ৰসাদ গ্ৰহণ কৰে।
এই উপলক্ষে ৰাষ্ট্ৰপতি পৌডেলে প্ৰথম মহিলা (ফাৰ্ষ্ট লেডী) সবিতা পৌডেলৰ সৈতে উপত্যকাৰ শক্তিপীঠ নক্সাল ভাগৱতী মন্দিৰ, গুহ্যেশ্বৰী মন্দিৰ, মৈতীদেৱী মন্দিৰ, কালিকাস্থান, ভদ্ৰকালি মন্দিৰ, নৰ্দেবী মন্দিৰ, ৰক্তকালি মন্দিৰ, ইন্দ্ৰায়নী মন্দিৰ আৰু শোভা ভাগৱতী মন্দিৰত প্ৰাৰ্থনা আৰু প্ৰসাদ গ্ৰহণ কৰে ।
নৱৰাত্ৰিৰ মহাষ্টমীক শক্তিৰ মূৰ্তি দেৱী দুৰ্গা ভৱানীলৈ উৎসৰ্গিত এক বিশেষ উৎসৱ হিচাপে গণ্য কৰা হয়। এই উপলক্ষে ভক্তসকলে মন্দিৰলৈ গৈ প্ৰাৰ্থনা, মন্ত্ৰ পাঠ, দেৱীৰ দৰ্শন কৰে। দশহৰাৰ সময়ত কাঠমাণ্ডুকে ধৰি সমগ্ৰ দেশৰ শক্তিপীঠত ভক্তৰ বিপুল ভিৰ সমবেত হয়।
হিন্দুস্থান সমাচাৰ / মনোজ কুমাৰ শইকীয়া
