মস্কো, ১৮ অক্টোবৰ (হি.স./ৰিয়ো নোবোস্তি)। ৰাছিয়াৰ উপ-প্ৰধানমন্ত্ৰী আলেকজেণ্ডাৰ ন’ভাকে কয় যে ইউৰোপীয় দেশসমূহে গেছ আমদানিৰ উৎসৰ বৈচিত্ৰ্যতা বৃদ্ধিৰ চেষ্টা কৰিছে যদিও আমেৰিকাৰ ওপৰত নিৰ্ভৰশীল হৈ পৰিছে।
ৰাছিয়ান শক্তি সপ্তাহ মঞ্চৰ সময়ত সম্প্ৰচাৰক ছ'ল'ভিয়াভ লাইভৰ সৈতে হোৱা এক সাক্ষাৎকাৰত ন'ভাকে কয় যে ইউৰোপীয় দেশসমূহলৈ গেছ যোগানৰ পৰিমাণ হ্ৰাস পাইছে। তেওঁলোকৰ খৰচ চাৰিগুণ বৃদ্ধি পাইছে । এতিয়া তেওঁলোক মূলতঃ একক যোগানকাৰী আমেৰিকাৰ তৰলীকৃত প্ৰাকৃতিক গেছ (এলএনজি)ৰ ওপৰত নিৰ্ভৰশীল।'
নোভাকে কয় যে ইউৰোপত গেছৰ মূল্য প্ৰতি ১০০০ ঘনমিটাৰত ১০০০ ডলাৰলৈ বৃদ্ধি পাইছে, আনহাতে ১০ বছৰৰ আগতে, আৰু ক’ভিড-১৯ মহামাৰীৰ পূৰ্বেও এই মূল্য ২০০ ডলাৰৰ পৰা ২৫০ ডলাৰৰ ভিতৰত আছিল। ইউৰোপীয় গ্ৰাহকে ইয়াৰ বোজা বহন কৰিছে। ১৪ অক্টোবৰৰ পৰা ১৬ অক্টোবৰলৈ মস্কোত অনুষ্ঠিত হৈছিল ৰাছিয়ান শক্তি সপ্তাহ। মঞ্চৰ তথ্য অংশীদাৰ আছিল আৰ আই এ নভোষ্টি।
-----------------
হিন্দুস্থান সমাচাৰ / অৰৱিন্দ
