- দি ছাগা অফ কুডোপালী ৯টা ভাৰতীয় ভাষা আৰু স্পেনিছ ভাষাত উন্মোচন

নতুন দিল্লী, ১০ জানুৱাৰী (হি.স.)। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে শনিবাৰে ভাৰত মণ্ডপমত নতুন দিল্লী বিশ্ব গ্ৰন্থমেলা ২০২৬ উদ্বোধন কৰে । কাটাৰৰ সাংস্কৃতিক মন্ত্ৰী আব্দুল ৰহমান বিন হামাদ বিন জাছিম বিন আল থানী, স্পেইনৰ সাংস্কৃতিক মন্ত্ৰী আৰ্নেষ্ট উৰ্টাছুন ডমেনেচ, স্পেইনৰ সংস্কৃতি মন্ত্ৰালয়ৰ সঞ্চালক প্ৰধান (কিতাপ) মাৰিয়া জোচে গালভেজ, উচ্চ শিক্ষা সম্পাদক ড° ভিনীত জোছি, নেশ্যনেল বুক ট্ৰাষ্টৰ অধ্যক্ষ মিলিন্দ সুধাকাৰ মাৰাথে, সঞ্চালক যুৱৰাজ মালিক, কাটাৰ আৰু স্পেইনৰ বিশিষ্ট অতিথি, আৰু মন্ত্ৰালয়ৰ জ্যেষ্ঠ বিষয়াসকল উপস্থিত থাকে।

উদ্বোধনী অনুষ্ঠানৰ সময়ত কেন্দ্ৰীয় শিক্ষামন্ত্ৰীয়ে বাংলা, অসমীয়া, পাঞ্জাবী, মাৰাঠী, মালয়ালম, উৰ্দু, আৰু এটা আন্তঃৰাষ্ট্ৰীয় ভাষা স্পেনিছকে ধৰি ৯টা ভাৰতীয় ভাষাত প্ৰকাশিত দি ছাগা অফ কুডোপালীৰ : দি আনসং ষ্টোৰী অফ ১৮৫৭ নামৰ গ্ৰন্থখন মুকলি কৰে। এই উপলক্ষে কুডোপালিৰ সাগা আধাৰিত এটা ভিডিঅ'ও প্ৰদৰ্শিত হয়।

অনুষ্ঠানত ভাষণ দি প্ৰধানে কয় যে নতুন দিল্লী বিশ্ব গ্ৰন্থমেলাখন বিশ্বৰ সৰ্ববৃহৎ বি টু চি (ব্যৱসায়িক-গ্ৰাহক) গ্ৰন্থমেলা হোৱাৰ উপৰিও ধাৰণাসমূহৰ সংগম আৰু ভাৰতৰ শক্তিশালী আৰু সজীৱ পঠন সংস্কৃতিৰ এক ভৱিষ্যৎ উদযাপন। মেলাৰ বিষয়বস্তু ভাৰতীয় সামৰিক ইতিহাস: শৌৰ্য্য আৰু প্ৰজ্ঞা @৭৫ আৰু কাটাৰ আৰু স্পেইনৰ দৰে দেশৰ অংশগ্ৰহণে এই সাংস্কৃতিক আৰু সাহিত্যিক অনুষ্ঠানৰ তাৎপৰ্য্য আৰু অধিক বৃদ্ধি কৰিছে।

প্ৰধানে কয় যে দি ছাগা অফ কুডোপালীৰ : দি আনসং ষ্টোৰী অফ ১৮৫৭ গ্ৰন্থখনে সম্বলপুৰৰ মাটিত সংঘটিত হোৱা স্বাধীনতা সংগ্ৰামৰ কম পৰিচিত অধ্যায়বোৰ পোহৰলৈ আনে। এই গ্ৰন্থখন পূৰ্বে হিন্দী, ইংৰাজী, আৰু ওড়িয়া ভাষাত প্ৰকাশ পাইছিল আৰু বৰ্তমান ১৩টা ভাষাত উপলব্ধ। বীৰ সুৰেন্দ্ৰ ছাই আৰু কুডোপালীৰ শ্বহীদসকলৰ বলিদানক সন্মান জনোৱাৰ এক প্ৰশংসনীয় প্ৰচেষ্টা বুলি তেওঁ অভিহিত কৰে। তেওঁ কয় যে এই পদক্ষেপে ভাৰতৰ বহুভাষিক পৰম্পৰাক শক্তিশালী কৰাই নহয়, বিশ্বব্যাপী আলোচনাকো শক্তিশালী কৰে।

কেন্দ্ৰীয় মন্ত্ৰীগৰাকীয়ে কয় যে প্ৰধানমন্ত্ৰী নৰেন্দ্ৰ মোদীয়ে পঠন সংস্কৃতিক গণ আন্দোলনলৈ ৰূপান্তৰিত কৰিছে। ‘উন্নত ভাৰত’ৰ দৃষ্টিভংগী কেৱল আন্তঃগাঁথনি বা প্ৰযুক্তিৰ মাজতে সীমাবদ্ধ নহয়, বৰঞ্চ এক সচেতন, চিন্তাশীল, আৰু জ্ঞানভিত্তিক প্ৰজন্ম গঢ়ি তোলাৰ ওপৰত ভিত্তি কৰি গঢ় লৈ উঠিছে, য’ত জ্ঞানক জাতি-নিৰ্মাণৰ ভেটি বুলি গণ্য কৰা হয়।

ৰাষ্ট্ৰীয় গ্ৰন্থ ন্যাসক অভিনন্দন জনাই তেওঁ গ্ৰন্থমেলাৰ সফল আয়োজনৰ বাবে শুভকামনা জনাই কয় যে এই অনুষ্ঠানে গ্ৰন্থ আৰু আলোচনাৰ জৰিয়তে দেশৰ পঠন সংস্কৃতিত নতুন শক্তিৰ সঞ্চাৰ কৰিছে।

স্পেইন-ভাৰত দ্বিবাৰ্ষিক সাংস্কৃতিক বৰ্ষ ২০২৬ত স্পেইনৰ অংশগ্ৰহণৰ ওপৰত আলোকপাত কৰি স্পেইনৰ সংস্কৃতি মন্ত্ৰী আৰ্নেষ্ট উৰ্টাছুন ডমেনেচে কয় যে স্পেনিছ ভাষা আৰু সাহিত্যৰ প্ৰতি আগ্ৰহ ক্ৰমাগতভাৱে বৃদ্ধি পোৱা ভাৰতত স্পেনিছ লেখকসকলক প্ৰচাৰৰ বাবে এই মেলা এক গুৰুত্বপূৰ্ণ সুযোগ। জুয়ান ৰেমন জিমেনেজ আৰু ৰবীন্দ্ৰনাথ ঠাকুৰৰ মাজত থকা ঐতিহাসিক সাহিত্যিক সম্পৰ্কৰ কথাও তেওঁ স্মৰণ কৰে।

কাটাৰৰ সাংস্কৃতিক মন্ত্ৰী আব্দুল ৰহমান বিন হামাদ বিন জাছিম বিন হামাদ আল থানীয়ে কয় যে গ্ৰন্থমেলাত কাটাৰৰ অংশগ্ৰহণে দুয়োখন দেশৰ মাজত গভীৰ দ্বিপাক্ষিক সম্পৰ্ক প্ৰতিফলিত কৰিছে। তেওঁ সংস্কৃতি আৰু জ্ঞানক জনসাধাৰণৰ সম্পৰ্ক আৰু জাতি-নিৰ্মাণৰ মূল শিলাস্তম্ভ বুলি অভিহিত কৰে।

উল্লেখযোগ্য যে শিক্ষা মন্ত্ৰালয়ৰ তত্বাৱধানত নেশ্যনেল বুক ট্ৰাষ্টৰ উদ্যোগত বিশ্বৰ সৰ্ববৃহৎ বি টু চি গ্ৰন্থমেলা নতুন দিল্লী বিশ্ব গ্ৰন্থমেলা ২০২৬। ১০ জানুৱাৰীৰ পৰা ১৮ জানুৱাৰীলৈ ভাৰত মণ্ডপামত অনুষ্ঠিত হৈছে এই মেলা। প্ৰথমবাৰৰ বাবে গ্ৰন্থমেলাত প্ৰৱেশ বিনামূলীয়া। ইণ্ডিয়া ট্ৰেড প্ৰমোচন অৰ্গেনাইজেশ্যনৰ সহযোগত এই মেলাৰ আয়োজন কৰা হৈছে।

৯ দিনীয়া এই গ্ৰন্থমেলাত ৩৫খনতকৈও অধিক দেশৰ ১০০০ৰো অধিক প্ৰকাশকে অংশগ্ৰহণ কৰিছে। মেলাৰ সময়ছোৱাত ৬০০ৰো অধিক অনুষ্ঠানত ১০০০ৰো অধিক বক্তাই অংশগ্ৰহণ কৰিব, আৰু ইয়াত ২০ লাখৰো অধিক দৰ্শকক আকৰ্ষণ কৰাৰ সম্ভাৱনা আছে।

এইবাৰ মেলাৰ বিষয়বস্তু হৈছে ভাৰতীয় সামৰিক ইতিহাস: সাহস আৰু প্ৰজ্ঞা @৭৫। বন্দে মাতৰমৰ ১৫০ বছৰীয়া আৰু চৰ্দাৰ বল্লভভাই পেটেল @১৫০ ৰ জীৱনৰ ওপৰতো বিশেষ প্ৰদৰ্শনী অনুষ্ঠিত হ'ব।

গ্ৰন্থমেলাৰ কেন্দ্ৰবিন্দু হৈছে থিম পেভিলিয়ন ভাৰতীয় সামৰিক ইতিহাস: সাহস আৰু প্ৰজ্ঞা @৭৫, যিয়ে ১০০০ বৰ্গমিটাৰ বিস্তৃত এক নিমজ্জিত অভিজ্ঞতা প্ৰদান কৰে। ইয়াত স্বাধীনতাৰ পিছৰে পৰা ভাৰতীয় সেনা, নৌসেনা, বায়ুসেনাৰ সাহস, ত্যাগ, আৰু জাতি-নিৰ্মাণৰ ক্ষেত্ৰত অৱদান প্ৰদৰ্শন কৰা হৈছে। এই ৩৬০ ডিগ্ৰী অভিজ্ঞতাত ৫০০ খনতকৈও অধিক কিতাপ, কিউৰেট কৰা প্ৰদৰ্শনী, পোষ্টাৰ, তথ্যচিত্ৰ, আৰু ইনষ্টলেচন অন্তৰ্ভুক্ত কৰা হৈছে। প্ৰধান আকৰ্ষণৰ ভিতৰত অৰ্জুন টেংক, আই এন এছ বিক্ৰান্ত, আৰু এল চি এ তেজছৰ প্ৰতিৰূপ, ২১ জন পৰম বীৰ চক্ৰ বিজয়ীক শ্ৰদ্ধাঞ্জলি, আৰু ১৯৪৭ চনৰ বুডগাঁৱৰ পৰা অপাৰেচন সিন্দুৰলৈকে বৃহৎ যুদ্ধ আৰু সামৰিক অভিযানৰ ওপৰত অধিবেশন।

हिन्दुस्थान समाचार / অৰৱিন্দ