অনুৰাগীৰ প্ৰচণ্ড চাহিদা আৰু ছ’চিয়েল মিডিয়াত সংঘৰ্ষৰ পিছত অৱশেষত আহিল ‘জলী এল এল বি ৩’ৰ ট্ৰেইলাৰ লঞ্চৰ সিদ্ধান্ত। ন্যায়াধীশ ত্ৰিপাঠীয়ে চূড়ান্ত আদেশ দি কয়, ট্ৰেইলাৰটো দুয়োখন চহৰ কানপুৰ আৰু মীৰুটতে মুকলি কৰা হ'ব। ইয়াৰ পূৰ্বে দুয়োজন জলিয়ে ডাঙৰ আলিংগন দিব লাগিব।
কানপুৰ বনাম মীৰুট, অনুৰাগীৰ উৎসাহ শিখৰত
ছ’চিয়েল মিডিয়াত সংঘটিত হোৱা ‘জলী ৱাৰ’ই ইণ্টাৰনেটত আলোড়নৰ সৃষ্টি কৰিছিল। অক্ষয় কুমাৰৰ জলী মিশ্ৰই কানপুৰৰ পতাকা উত্তোলন কৰি আছিল, আনহাতে আৰ্শ্বদ ৱাৰছিৰ জলী ত্যাগীয়ে মীৰুটৰ গৌৰৱত দৃঢ়তাৰে থিয় দিছিল। ফলত ৰাজপথলৈ ওলাই আহিল অনুৰাগী। কানপুৰ আৰু মীৰুটৰ ৰাজপথত বাইক ৰেলীৰ হুলস্থুল, ৰাস্তাৰ চুকত বিনামূলীয়া লাডু বিতৰণ আৰু জলী ষ্টাইলৰ পাণে সমগ্ৰ পৰিৱেশকে মেলালৈ ৰূপান্তৰিত কৰিলে। প্ৰতিটো ৰাজপথত প্ৰতিধ্বনিত হৈছিল শ্লোগান আৰু উদযাপনৰ।
আনুষ্ঠানিক ঘোষণা
এতিয়া আনুষ্ঠানিকভাৱে ঘোষণা কৰা হৈছে যে অহা ১০ ছেপ্টেম্বৰত কানপুৰ আৰু মেৰুটত একেলগে মুকলি কৰা হ’ব ‘জলী এল এল বি ৩’ৰ ট্ৰেইলাৰ। ইয়াৰ পিছত ১৯ ছেপ্টেম্বৰত পান ইণ্ডিয়া চিনেমাগৃহত মুক্তি পাব ছবিখন।
ষ্টাৰ ষ্টুডিঅ’ ১৮ৰ বেনাৰত নিৰ্মিত আৰু সুভাষ কাপুৰৰ পৰিচালনাত নিৰ্মিত ‘জলী এল এল বি ৩’ত অক্ষয় কুমাৰ, আৰ্শ্বদ ৱাৰ্ছি, হুমা কুৰেশী, অমৃতা ৰাও আৰু সৌৰভ শুক্লা আকৌ এবাৰ আহি আছে আদালতৰ কক্ষৰ নাটকখনক ব্লকবাষ্টাৰ দৃশ্যলৈ ৰূপান্তৰিত কৰিবলৈ।
हिन्दुस्थान समाचार / আলোক চক্ৰৱৰ্তী
