টাইগাৰ শ্ৰফৰ বহু প্ৰত্যাশিত ছবি ‘বাগী ৪’ৰ বাবে দৰ্শকে বহু সময় অপেক্ষা কৰি আছিল। যদিও তেওঁৰ শেষৰ কেইখনমান ছবিয়ে ভাল প্ৰদৰ্শন নকৰিলেও হিট ফ্ৰেঞ্চাইজি বাগীৰ চতুৰ্থ কিস্তিৰ পৰা দৰ্শকে বহু আশা কৰিছিল। অৱশেষত ৫ ছেপ্টেম্বৰত ছবিগৃহত মুক্তি পালে।সেইদিনাই বিবেক অগ্নিহোত্ৰীৰ দ্য বেংগল ফাইলছ ছবিও ডাঙৰ পৰ্দাত উপস্থিত হয়। অৱশ্যে প্ৰথম দিনাই বক্স অফিচত এক সুন্দৰ আৰম্ভণি কৰি ‘বাঘী ৪’ ছবিখনক কঠোৰ প্ৰতিযোগিতা দি দ্য বেংগল ফাইলছক এৰি থৈ যায়।
'বাঘী ৪' বক্স অফিচত ৰিপৰ্ট
সৈকনিল্ক ৰ প্ৰতিবেদন অনুসৰি ‘ বাগী ৪’ মুক্তিৰ প্ৰথম দিনাই প্ৰায় ১২ কোটি টকাৰ এক বৃহৎ ব্যৱসায় কৰিছিল। ছবিখনৰ এডভান্স বুকিং আছিল প্ৰচণ্ড আৰু বক্স অফিচত প্ৰৱেশ কৰাৰ লগে লগে ছবিখনে দুটা সংখ্যাৰ উপাৰ্জন পঞ্জীয়ন কৰে। কেৱল ‘দ্য বেংগল ফাইলছ’ই নহয়, অজয় দেৱগনৰ ‘ৰেইড ২’, ‘জাত’, ‘সীতাৰে জমীন পাৰ’, ‘কেছাৰী ২’ আৰু ‘ভূল চূক মাফ’ৰ দৰে ২০২৫ চনৰ বহু বৃহৎ ছবিকো কঠোৰ প্ৰতিযোগিতা প্ৰদান কৰিছিল।
ছবিখনৰ কাহিনীৰ পৰা দেখা যায় যে টাইগাৰ শ্ৰফৰ চৰিত্ৰ ৰনিয়ে সাত মাহ ক’মাত থকাৰ পিছত পুনৰ চেতনা লাভ কৰে। চেতনা ঘূৰাই পোৱাৰ লগে লগে সেই দুৰ্ঘটনাত প্ৰেমিকা (হৰ্ণাজ সন্ধু)ক হেৰুৱাৰ দুখত তেওঁ বিধ্বস্ত হৈ পৰে। কিন্তু চৌপাশৰ সকলোৱে তেওঁক পতিয়ন নিয়াবলৈ চেষ্টা কৰে যে তেওঁৰ কেতিয়াও প্ৰেমিকা নাছিল আৰু এই সকলোবোৰ মাথোঁ তেওঁৰ ভুল ধাৰণা। ছবিখনৰ দ্বিতীয় খণ্ডত চাকো (সঞ্জয় দত্ত)ৰ প্ৰেম কাহিনীৰ ওপৰত গুৰুত্ব আৰোপ কৰা হৈছে। কিন্তু সমালোচকৰ দৃষ্টিত এই ছবিখনে বিশেষ আপ্লুত কৰিব পৰা নাই।
'দ্য বেংগল ফাইলছ'ৰ বক্স অফিচৰ প্ৰতিবেদন
বক্স অফিচত ‘দ্য বেংগল ফাইলছ’ৰ আৰম্ভণি আশা কৰা ধৰণে নহ’ল। প্ৰথম দিনাই ভাৰতত প্ৰায় ১.৭৫ কোটি টকা উপাৰ্জন কৰে ছবিখনে। আৰম্ভণিৰে পৰাই এই ছবিখনে বিশেষকৈ পশ্চিম বংগত বিতৰ্কৰ সৃষ্টি কৰিছিল। কোৱা হৈছে যে কলকাতাত মুকলিৰ সময়ত ইয়াৰ ট্ৰেইলাৰ প্ৰদৰ্শন নহ’ল আৰু ৰাজ্যৰ কোনো চিনেমা হলত ছবিখনে স্থান নাপালে। অভিনেত্ৰী পল্লৱী যোশীয়েও এই সমগ্র বিষয়ত আপত্তি কৰি ভাৰতৰ ৰাষ্ট্ৰপতি দ্ৰৌপদী মুৰ্মুলৈ চিঠি লিখি নিজৰ উদ্বেগ প্ৰকাশ কৰে।
ভাৰতীয় ইতিহাস আৰু ৰাজনীতিৰ সৈতে জড়িত সত্য ঘটনাৰ আধাৰত নিৰ্মিত এখন কাল্পনিক নাটকীয় ছবি ‘দ্য বেংগল ফাইলছ’। চল্লিশৰ দশকত পশ্চিমবংগত বিয়পি পৰা সাম্প্ৰদায়িক হিংসাৰ ওপৰত গুৰুত্ব আৰোপ কৰি নোয়াখালী দাঙ্গাৰ ভয়াবহ পৰিণতি ডাঙৰ পৰ্দাত দেখুওৱা হৈছে। ছবিখনত মিথুন চক্ৰৱৰ্তী, অনুপম খেৰ, পল্লৱ যোশীৰ দৰে প্ৰবীণ অভিনেতাই গুৰুত্বপূৰ্ণ চৰিত্ৰত অভিনয় কৰাৰ বিপৰীতে মুখ্য চৰিত্ৰত অভিনয় কৰিছে দৰ্শন কুমাৰ আৰু সিমৰাট কৌৰে।
हिन्दुस्थान समाचार / আলোক চক্ৰৱৰ্তী
