নতুন দিল্লী, ০৪ ছেপ্টেম্বৰ (হি.স.)। ট্ৰিনিদাদত বুধবাৰে নিশা (ভাৰতীয় সময় অনুসৰি বৃহস্পতিবাৰে) অনুষ্ঠিত হোৱা এখন খেলত ছেইণ্ট লুচিয়া কিংছে হাই ফ্লাইং ট্ৰিনবাগো নাইট ৰাইডাৰ্ছক ৫৩টা বল বাকী থকা অৱস্থাত ৭ উইকেটত পৰাস্ত কৰে। এই জয়ৰ জৰিয়তে কিংছ নাইট ৰাইডাৰ্ছৰ পিছত চিপিএল ২০২৫ প্লে অফৰ বাবে যোগ্যতা অৰ্জন কৰা দ্বিতীয়টো দল হিচাপে পৰিগণিত হয়।

তেওঁলোকৰ স্পিন বলাৰসকলে কিংছৰ জয়ত গুৰুত্বপূৰ্ণ ভূমিকা পালন কৰিছিল। টাব্ৰেজ ছামছিয়ে উজ্জ্বল বলিং কৰি ৩ উইকেট দখল কৰাৰ বিপৰীতে খাৰী পিয়েৰ আৰু ৰষ্টন চেজে ২-২ উইকেট দখল কৰি বিপক্ষৰ বেটছমেনৰ কঁকাল ভাঙি পেলায়।

টছত জয়ী হৈ মেচখনত প্ৰথমে বেটিং কৰিবলৈ ওলাই অহা নাইট ৰাইডাৰ্ছৰ আৰম্ভণি অতি দুৰ্বল আছিল। দ্বিতীয়টো বলত পিয়েৰৰ চিকাৰ হয় কলিন মুনৰো। ডেৰেন ব্ৰাভোৱে কিছুমান বিশাল শ্বট মাৰিছিল যদিও অতি সোনকালেই আউট হৈছিল। ভাগ্যৰ সহায় লৈ নিকোলাছ পুৰাণে আৰম্ভণিতে উদ্ধাৰ লাভ কৰিছিল আৰু তাৰ পিছত একেৰাহে দুটা ছয় কৰিছিল যদিও টি কে আৰৰ পতন অব্যাহত আছিল। পাৱাৰপ্লেৰ শেষৰ বলত এলেক্স হেলছ আউট হৈছিল আৰু ৬ অভাৰৰ শেষত দলটোৱে ৩টা উইকেট হেৰুৱাইছিল।

ইয়াৰ পিছত ছামছি অহাৰ লগে লগে প্ৰথম বলত আকিল হোছেইনক পেভিলিয়নলৈ পঠিয়াই দিলে। পূৰাণো বেছি সময় টিকি থাকিব নোৱাৰি চেজৰ বলত উইকেটকীপাৰৰ হাতত ধৰা পৰে। শ্বামচিয়ে আন্দ্ৰে ৰাছেলক বল কৰি নাইট ৰাইডাৰ্ছৰ আশাত ডাঙৰ আঘাত দিয়ে। পোলাৰ্ডো ছামছিৰ বলি হৈছিল। শেষত টেৰেন্স হিণ্ডছ আৰু নাথান এডৱাৰ্ডে দলটোক ১০০ ৰানত অতিক্ৰম কৰিলে যদিও পটগিটাৰ আৰু আলজাৰী জোচেফে শেষ আঘাত দিলে আৰু গোটেই দলটো ১০৯ ৰানত পতিত হয়।

লক্ষ্য অনুসৰণ কৰাৰ সময়ত টিম ছেইফাৰ্টে এক সুন্দৰ আৰম্ভণি কৰে। প্ৰথম অভাৰতে ১৪ ৰান কৰি দ্ৰুতগতিত ৰান সংগ্ৰহ কৰে। জনছন চাৰ্লছক আগতীয়াকৈ আউট হৈছিল যদিও ছেইফাৰ্ট আৰু আকিম অগাষ্টে ৪০ ৰানৰ অংশীদাৰিত্ব গঢ়ি তুলিছিল। অগাষ্টে ৰাছেলৰ বলত জোৰেৰে আঘাত কৰি ২০ ৰান লুটি লৈ যায়। ৩৬ ৰান সংগ্ৰহ কৰি ছেইফাৰ্টক আউট হোৱাৰ বিপৰীতে অগাষ্টেও ২৮ ৰানৰ দ্ৰুত ইনিংছ খেলিছিল।

শেষত ৰষ্টন চেজ আৰু ডেভিদ উইজে সহজেই দলটোক লক্ষ্যস্থানলৈ লৈ যায়।

চমু স্ক'ৰকাৰ্ড: ট্ৰিনবাগো নাইট ৰাইডাৰ্ছ - ১০৯/১০ (১৮.১ অভাৰ)(নিকোলাছ পুৰাণ ৩০, নাথান এডৱাৰ্ডছ ১৭; টাব্ৰাইজ শ্বামচি ৩/১২, ৰষ্টন চেজ ২/১৯)

ছেইণ্ট লুচিয়া কিংছ - ১১২/৩ (১১.১ অভাৰ)(টিম ছেইফাৰ্ট ৩৬, আকিম অগাষ্ট ২৮; সুনীল নাৰিনে ২/২৮, উছমান তাৰিক ১/২৬)

ফলাফল- ছেইণ্ট লুচিয়া কিংছ ৭ উইকেটত জয়লাভ কৰে।

हिन्दुस्थान समाचार / অৰৱিন্দ