শীঘ্ৰে কাৰ্তিক আৰ্য্যনক বহু প্ৰত্যাশিত বহু ছবিত দেখা যাব, তাৰ ভিতৰত এখন হৈছে ‘তু মেৰী মে তেৰা, মে তেৰা তু মেৰী’। এই ছবিখনত তেওঁৰ সৈতে অনন্যা পাণ্ডেকো দেখা যাব। ৰোমাঞ্চ আৰু কমেডীৰে ভৰা এই ছবিখন আগতে অহা বছৰৰ ভেলেণ্টাইন ডে’ত মুক্তি পাবলগীয়া আছিল যদিও এতিয়া মুক্তিৰ তাৰিখ সলনি কৰা হৈছে। ভাল খবৰটো হ’ল যে চলিত বৰ্ষৰ ডিচেম্বৰ মাহত, নিৰ্ধাৰিত সময়ৰ আগতেই দৰ্শকে ছবিগৃহত চাব পাৰিব।

কৰণ জোহৰৰ ধৰ্ম প্ৰডাকচনৰ বেনাৰত নিৰ্মিত এই ছবিখন এতিয়া ৩১ ডিচেম্বৰত ছবিগৃহত মুক্তি পাব। ছ’চিয়েল মিডিয়াৰ জৰিয়তে নিৰ্মাতাসকলে ঘোষণা কৰিছে নতুন মুক্তিৰ তাৰিখ। কাৰ্তিক আৰু অনন্যাৰ সৈতে ছবিখনত জেকী শ্ৰফকো গুৰুত্বপূৰ্ণ চৰিত্ৰত দেখা যাব। ৰাষ্ট্ৰীয় বঁটা বিজয়ী পৰিচালক সমীৰ বিদৱানছে এই ছবিখন পৰিচালনা কৰাৰ বিপৰীতে উদ্যোগপতিলৈ পৰিণত হোৱা প্ৰযোজক আদৰ পুনাৱালাইও কৰণ জোহৰৰ সৈতে এই ছবিখনত বিনিয়োগ কৰিছে।

নতুন বছৰৰ আৰম্ভণি কাৰ্তিক আৰু অনন্যাৰ অনুৰাগীৰ বাবে অতি বিশেষ হ’ব, কিয়নো ছবিখনৰ মুক্তিয়ে তেওঁলোকৰ সন্ধিয়াটো অধিক স্মৰণীয় কৰি তুলিব। নীনা গুপ্তা, মহিমা চৌধুৰী, মুস্তাক খান আৰু গৌৰৱ পাণ্ডেইও এই ৰোমান্টিক কমেডীত গুৰুত্বপূৰ্ণ চৰিত্ৰত অভিনয় কৰা দেখা যাব।

মন কৰিবলগীয়া যে এই ছবিখন আগতে ২০২৬ চনৰ ১৩ ফেব্ৰুৱাৰীত মুক্তি পোৱাৰ কথা আছিল যদিও এতিয়া নিৰ্ধাৰিত সময়ৰ আগতেই এই ছবিখন দৰ্শকৰ মাজলৈ অনা হৈছে। শেহতীয়াকৈ ইউৰোপত ছবিখনৰ শ্বুটিং চলি আছিল, তাৰ পৰাই কাৰ্তিকৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছিল আৰু অনুৰাগীয়ে তেওঁৰ ওপৰত বহু মৰমৰ বৰষা কৰিছিল।

हिन्दुस्थान समाचार / আলোক চক্ৰৱৰ্তী