ধুবুৰী, ৩১ আগষ্ট (হি.স.): ধুবুৰী জিলাৰ বিলাসীপাৰা সমজিলাৰ আৰক্ষী অধীক্ষক অম্বৰীশ শৰ্মাৰ নেতৃত্বত চাপৰ আৰক্ষীৰ অভিযানত যোৱাকালি শনিবাৰে সন্ধিয়া বৃহৎ পৰিমাণৰ ড্ৰাগছ সহ আটক এজন ড্ৰাগছ সৰবৰাহকাৰী কৰা হয়। অভিযানত নিষিদ্ধ ড্ৰাগছ সহ আটক কৰে আলমগঞ্জৰ ৰফিকুল ইছলামক।
আটকাধীন ড্ৰাগছ সৰবৰাহকাৰীটোৱে মিঠাইৰ পেকেটত দুটাকৈ চাৱনৰ বাকচ লুকুৱাই আনি থকা অৱস্থাত উদ্ধাৰ কৰে প্ৰায় ২২ গ্ৰাম নিষিদ্ধ ড্ৰাগছৰ লগতে জব্দ কৰে এখন বাইক। জব্দকৃত বাইকখনৰ নম্বৰ এএছ ১৭ পি ১২০৮ বুলি জানিব পৰা গৈছে। এক গোপন সূত্ৰৰ পোমখেদি আৰক্ষীয়ে চলায় এই অভিযান। ড্ৰাগছৰ সৰবৰাহকাৰীয়ে নিত্য নতুন কৌশল অৱলম্বন কৰি চলাইছে ড্ৰাগছৰ ৰমৰমীয়া বেহা। ইতিমধ্যে ঘটনা সংক্ৰান্তত তদন্ত অব্যাহত ৰাখিছে আৰক্ষীয়ে। আৰক্ষীৰ এনে অভিযানক ধন্যবাদ জ্ঞাপন কৰে স্থানীয় ৰাইজ তথা ছাত্ৰ মুক্তি সংগ্ৰাম সমিতিয়ে।
হিন্দুস্থান সমাচাৰ / কিশোৰ মিশ্ৰ