হোজাই, ৩১ আগষ্ট (হি.স.): বহি:ৰাজ্যৰ এক বৃহৎ চাইবাৰ অপৰাধী চক্ৰৰে জড়িত থকা তিনি অপৰাধীক জিলাখনৰ লংকা,মোৰাঝাৰ আৰু নগাঁৱৰ পৰা কালি সন্ধিয়া গ্ৰেপ্তাৰ কৰা হয়। অপৰাধী চক্ৰৰে জড়িত ধৃত তিনিজন ক্ৰমে, লংকাৰ ৱাহিদুৰ,মোৰাঝাৰৰ শ্বাহ আলম আৰু নগাওঁৰ বদৰুল ইচলাম। এই সংক্ৰান্তত লংকা আৰক্ষী থানাত ৰুজু হোৱা ১৮৪/২৫ নম্বৰৰ এক গোচৰৰ তদন্ত প্ৰক্ৰিয়াত পোহৰলৈ আহে চক্ৰটোৰ জালিয়াতিৰ তথ্য।
উল্লেখ্য যে, অপৰাধী চক্ৰটোৱে সন্দেহজনক ব্যক্তিৰ পৰা বেংক একাউন্টৰ বিৱৰণ সংগ্ৰহ কৰি প্ৰেৰণ কৰিচিল বহি:ৰাজ্যৰ চাইবাৰ চক্ৰলৈ।ইতিমধ্যে,আৰক্ষীয়ে সন্দেহজনক ৫ টা বেংক একাউন্ট নম্বৰ উদ্ধাৰ কৰিছে। হোজাইৰ আৰক্ষী অধীক্ষক সৌৰভ গুপ্তাই প্ৰকাশ কৰা অনুসৰি, ধৃত তিনি অপৰাধীক বৰ্তমান আৰক্ষীৰ জিম্মাত লৈ এই বৃহৎ চক্ৰটোৰে জড়িত সকলক চিনাক্ত কৰিবলৈ আৰক্ষীয়ে তদন্ত প্ৰক্ৰিয়া অব্যাহত ৰাখিছে।
হিন্দুস্থান সমাচাৰ / কিশোৰ মিশ্ৰ