যোৰহাট, ২৯ আগষ্ট (হি.স.): যোৰহাটৰ বৰ্ষাৰণ্য গৱেষণা প্ৰতিষ্ঠানত সংঘটিত হৈছে এক ভয়ংকৰ কাণ্ড। আৱাসিক এলেকাত অকলশৰীয়া যুৱতী কৰ্মচাৰীক বিবাহিত কৰ্মচাৰীয়ে যৌন নিৰ্যাতনৰ চেষ্টা চলোৱাৰ অভিযোগ উঠিছে। ঘটনা সংঘটিত কৰিবলৈ চেষ্টা চলোৱা কৰ্মচাৰী গৰাকীৰ নাম অমিত দোহান আৰু তেওঁ প্ৰতিষ্ঠানটোৰ সঞ্চালক গৰাকীৰ সহায়ক বুলি জনা গৈছে। ইতিমধ্যে লাহদৈগড় আৰক্ষীয়ে যুৱতীগৰাকীৰ এজাহাৰৰ ভিত্তিত কাৰ্যালয়ৰ পৰাই সন্ধিয়া আটক কৰিছে অমিত দোহান নামৰ কৰ্মচাৰী জনক।

যোৱা বুধবাৰৰ নিশা এই ঘটনা সংঘটিত হোৱাৰ পাছত কোনোমতে পলাই সাৰিবলৈ সক্ষম হয় । ইফালে যুৱতীগৰাকীয়ে পিছদিনা পুৱাই ঘটনা সন্দৰ্ভত সঞ্চালকক অৱগত কৰিছিল যদিও কোনো ব্যৱস্থা নোলোৱাত কাষ চাপে আৰক্ষীৰ।

হিন্দুস্থান সমাচাৰ / কিশোৰ মিশ্ৰ