বাক্সাৰ ভূটেপোৱাবৰীত ড্ৰাগছসহ সৰবৰাকাৰী আটক
বাক্সাৰ ভূটেপোৱাবৰীত আৰক্ষীৰ ড্ৰাগছ বিৰোধী অভিযান।
বাক্সাৰ ভূটেপোৱাবৰীত ড্ৰাগছসহ সৰবৰাকাৰী আটক


বাক্সা, ২৯ আগষ্ট (হি.স.): বাক্সাৰ ভূটেপোৱাবৰীত যোৱা কালি বৃহস্পতিবাৰে নিশা আৰক্ষীয়ে ড্ৰাগছ বিৰোধী অভিযান চলায়। এই অভিযানত ড্ৰাগছ সহ এটা সৰবৰাকাৰী আটক কৰে বাক্সাৰ শিমলা আৰক্ষীয়ে। ধৃত ড্ৰাগছ সৰবৰাহকাৰীটো গোৱালপাৰাৰ নজৰুল আলী বুলি পৰিচয় পোৱা গৈছে।

অভিযোগ অনুসৰি ভূটেপোৱাবৰীৰ এটা ইটা ভাটাত শ্ৰমিক হিচাপে কাম কৰা ধৃত নজৰুল আলীয়ে চলায় গৈছিল ড্ৰাগছৰ ৰমৰমীয়া ব্যৱসায়। ইতিমধ্যে শিমলা আৰক্ষীয়ে ড্ৰাগছৰ কন্টেইনাৰ সহ গ্ৰেপ্তাৰ কৰিছে নজৰুল আলীক। অধিক তথ্যৰ বাবে শিমলা আৰক্ষীয়ে জিম্মাত লৈ জেৰা অব্যাহত ৰাখিছে। অঞ্চলটোত ড্ৰাগছৰ নেৱৰ্টক গঢ়ি তোলা নজৰুলে ইটা ভাটাৰ আন শ্ৰমিকক ড্ৰাগছ সেৱন কৰাইছিল।

হিন্দুস্থান সমাচাৰ / কিশোৰ মিশ্ৰ


 rajesh pande