ধুবুৰী, ২৮ আগষ্ট (হি.স.): ধুবুৰীৰ আগমনি আৰক্ষীয়ে নিচা যুক্ত সামগ্ৰীৰ বিৰুদ্ধে যোৱা কালি বুধবাৰে বিয়লি লাভ কৰে বৃহৎ সফলতা। পশ্চিমবংগৰ যুৱক এজনক অসমত ড্ৰাগছ সহ আটক কৰে গমনি আৰক্ষীয়ে। আগমনিৰ নয়াহাটত ৫৪ টা ইয়াবা টেবলেট সহ আটক কৰে এজন সৰবৰাহকাৰীক।

জানিব মতে সৰবৰাহকাৰী জনৰ ঘৰ হৈছে পশ্চিমবংগত। সৰবৰাহকাৰী জনৰ নাম ইলিয়াজ ৰহমান । পশ্চিমবংগৰ যুৱক জনে অসমত বহুদিনৰ পৰা ড্ৰাগছৰ ৰমৰমীয়া বেহা চলোৱাৰ অভিযোগ উত্থাপিত হৈছিল। আৰক্ষীৰ পদক্ষেপৰ শলাগ লৈ সচেতন ৰাইজে আৰক্ষী প্ৰশাসনক অনুৰোধ জনায় যাতে সমাজখন ড্ৰাগছ মুক্ত হয়। এইসকল অভিযুক্তক আইনৰ জৰিয়তে কঠিন শাস্তি দিব লাগে বুলি মত প্ৰকাশ কৰে ৰাইজে।

হিন্দুস্থান সমাচাৰ / কিশোৰ মিশ্ৰ