নতুন দিল্লী, ৩০ জুলাই (হি.স.)। বিহাৰত ভোটাৰ তালিকাৰ নিবিড় পুনৰীক্ষণক লৈ বুধবাৰে ৰাজ্যসভাৰ কাৰ্য্যবিধি আৰম্ভ হোৱাৰ লগে লগে আৰম্ভ হয় হুলস্থুল। এই হুলস্থুলৰ মাজতে ৰাজ্যসভাৰ কাৰ্যসূচী দুপৰীয়া ১২ পৰ্যন্ত স্থগিত ৰখা হয়।

আজি ৰাজ্যসভাৰ কাম-কাজ আৰম্ভ হোৱাৰ লগে লগে উপ অধ্যক্ষই বিহাৰ বিশেষ নিবিড় পুনৰীক্ষণ, বঙালী প্ৰৱাসীক আক্ৰমণ, চত্তীশগড়ত দুগৰাকী নানক গ্ৰেপ্তাৰ কৰা আদি বিষয়ত বিৰোধী সদস্যৰ জাননীৰ কথা উল্লেখ কৰে। এইবোৰৰ কোনোটোৱেই তেওঁ বিবেচনা কৰিবলৈ অস্বীকাৰ কৰিলে। ইয়াৰ পিছতে সদনত তীব্ৰ হুলস্থুল আৰম্ভ হয়। দুপৰীয়া ১২ পৰ্যন্ত স্থগিত ৰখা হয় সদনৰ কাৰ্য্যবিধি।

অপাৰেচন সিন্দুৰ সন্দৰ্ভত আলোচনা অব্যাহত থাকিব

মঙলবাৰৰ পৰা ৰাজ্যসভাত অপাৰেচন সিন্দুৰ সন্দৰ্ভত আৰম্ভ হোৱা আলোচনা বুধবাৰেও অব্যাহত থাকিব। আজি সন্ধিয়ালৈকে আলোচনা কৰা হ’ব। আজি ৰাজ্যসভাত ভাষণ দিব বৈদেশিক পৰিক্ৰমা মন্ত্ৰী এছ জয়শংকৰ আৰু সদনৰ নেতা জে পি নড্ডাই। সংসদত সামৰণি বিবৃতি দিব পাৰে কেন্দ্ৰীয় গৃহমন্ত্ৰী অমিত শ্বাহে।

हिन्दुस्थान समाचार / Manoj Kumar Saikia