দুৰ্গ/ৰায়পুৰ, ৩০ জুলাই (হি.স.)। ছত্তীশগড়ৰ দুৰ্গত প্ৰৱৰ্তন সঞ্চালকালয় (ইডি) আৰু অৰ্থনৈতিক অপৰাধ অনুসন্ধান শাখাৰ যৌথ দলে বৃহৎ পদক্ষেপ গ্ৰহণ কৰিছে। বুধবাৰে দলটোৱে দুৰ্গত অৱস্থিত ৩টা আৱাসিক কমপ্লেক্স আৰু তেওঁলোকৰ মোক্ষিত নিগমৰ কাৰ্যালয়ত অভিযান চলায়।

চৰকাৰী সূত্ৰ অনুসৰি এই বৃহৎ কাৰ্যত ২৪ জনতকৈ অধিক বিষয়া-কৰ্মচাৰী জড়িত হৈ আছে। অভিযানৰ সময়ত কেন্দ্ৰীয় সংৰক্ষিত আৰক্ষী বাহিনীৰ লোকো নিৰাপত্তাৰ বাবে ইডি দলৰ সৈতে থিতাতে বৃহৎ সংখ্যক লোক উপস্থিত থাকে। এই কাৰ্য্য ছত্তীশগড় মেডিকেল চাৰ্ভিচেছ কৰ্পৰেশ্যন লিমিটেড (চি জি এম এছ চি)ত সংঘটিত হোৱা ৬৫০ কোটিতকৈ অধিক টকাৰ কেলেংকাৰিৰ সৈতে জড়িত বুলি কোৱা হৈছে। ইয়াৰ পূৰ্বেও কেইবাবাৰো ব্যৱস্থা গ্ৰহণ কৰা হৈছে। ছমাহ পূৰ্বে এই গোচৰত ই অ’ ডব্লিউ আৰু দুৰ্নীতি নিবাৰক ব্যুৰোৱে যৌথ অভিযান চলাইছিল। ইয়াৰ উপৰিও ২০২৫ চনৰ ২৭ জানুৱাৰীতো ই অ’ ডব্লিউ-এ চি বিৰ দলটোৱে মোক্ষিত নিগম আৰু গঞ্জপাৰাত শান্তিলাল আৰু শশাংক চোপ্ৰাৰ ঘৰ আৰু কাৰ্যালয়ত নথি-পত্ৰ পৰীক্ষা কৰিছিল।

এই সন্দৰ্ভত এতিয়ালৈকে ইডি আৰু ই অ’ ডব্লিউৰ কোনো আনুষ্ঠানিক বিবৃতি প্ৰকাশ কৰা হোৱা নাই।

हिन्दुस्थान समाचार / মনোজ কুমাৰ শইকীয়া