-চণ্ডীগড়-মানালী ৰাষ্ট্ৰীয় ঘাইপথ বন্ধ

শিমলা, ০১ জুলাই (হি.স.)। হিমাচল প্ৰদেশত ধাৰাসাৰ বৰষুণে বিধ্বংসী ৰূপ ধাৰণ কৰিছে । কালি নিশা মাণ্ডী জিলাৰ বহু ঠাইত ডাৱৰ বিস্ফোৰণে স্বাভাৱিক জীৱনত ব্যাঘাত জন্মায়। কাৰ্সোগ মহকুমাত এজন লোকৰ মৃত্যু হৈছে। নিহত লোকজনৰ বয়স ৪৫ বছৰ হোৱাৰ বিপৰীতে আন দুজন সন্ধানহীন হৈ আছে। কাৰ্ছ’গৰ ডি এছ পিয়ে এই কথা নিশ্চিত কৰিছে। মাণ্ডী জিলাৰ গোহৰৰ স্যাঞ্জ গাঁৱৰ নলাত বানত নিৰুদ্দেশ হৈছে ৯ জন লোক। মাক-কন্যাক নিৰাপদে উদ্ধাৰ কৰা হৈছে যদিও আনৰ সন্ধান অব্যাহত আছে।

মাণ্ডী জিলাৰ বহু ঠাইত বিধ্বংসী ৰূপ ধাৰণ কৰিছে। পাণ্ডোহ বজাৰত পানী জমা হোৱাৰ বাবে মানুহক উদ্ধাৰ কৰি নিৰাপদ স্থানলৈ লৈ যোৱা হয়। বাখলী আৰু কুকলা দলং ভাঙি চণ্ডীগড়-মানালী ৰাষ্ট্ৰীয় ঘাইপথ সম্পূৰ্ণৰূপে বন্ধ হৈ পৰিছে। পাটিকাৰী বিদ্যুৎ প্ৰকল্পতো যথেষ্ট ক্ষতিসাধন হৈছে। নদী আৰু নলা-নৰ্দমাৰ ঢৌ। পাণ্ডোহ মথাউৰিৰ জলপৃষ্ঠ ২৯২২ ফুট হৈছেগৈ যিটো ২৯৪১ ফুটৰ বিপদৰ চিহ্নৰ ওচৰত। পৰিস্থিতি নিয়ন্ত্ৰণ কৰিবলৈ ১.৫ লাখ কিউচেকতকৈ অধিক পানী বিয়াছ নদীত এৰি দিয়া হৈছে। মাণ্ডী চহৰৰ পঞ্চবক্ত মন্দিৰত পানী পালেগৈ। ধৰমপুৰৰ লংনী পঞ্চায়তৰ স্যাথী গাঁৱতো বৰষুণত জাহ গৈছে বহু ঘৰ, গো-গোহালি, গৰু-ম’হ। মণ্ডি ইন্দিৰা আৱাস কলনী আৰু ৰঘুনাথপাধৰতো নিশাৰ ভিতৰত সাহায্য আৰু উদ্ধাৰৰ কাম অব্যাহত থাকে।

হামিৰপুৰৰ সুজানপুৰৰ খেৰী গাঁৱত আবদ্ধ লোকক উদ্ধাৰ

হামিৰপুৰ জিলাৰ সুজানপুৰ মহকুমাৰ খেৰী গাঁৱৰ বিয়াছ নদীৰ জলপৃষ্ঠ বৃদ্ধিৰ বাবে আৱদ্ধ হৈ পৰে ২০ জনতকৈ অধিক লোক, ইয়াৰে ১৫ জনক এতিয়ালৈকে উদ্ধাৰ কৰা হৈছে। প্ৰশাসন আৰু আৰক্ষীৰ দলে দায়িত্ব লৈছে। জংগলবেৰীৰ পৰা অহা আৰক্ষী বেটেলিয়ন থিতাতে নিয়োজিত হৈ আছে।

তিনিখন জিলাৰ শিক্ষানুষ্ঠানত ছুটী

ধাৰাবাহিকভাৱে বৰষুণ আৰু ভূমিস্খলনৰ সম্ভাৱনাৰ প্ৰতি লক্ষ্য ৰাখি আজি মাণ্ডী, কংৰা আৰু হামিৰপুৰ জিলাৰ সকলো শিক্ষানুষ্ঠান বন্ধ কৰি দিয়া হৈছে। উপ আয়ুক্ত কাংগৰা, মাণ্ডী আৰু হামিৰপুৰে ৰাইজক নিৰাপদ স্থানত থাকিবলৈ, নদী-নৈৰ পৰা আঁতৰি থাকিবলৈ আৰু প্ৰশাসনিক নিৰ্দেশনা মানি চলিবলৈ আহ্বান জনাইছে। বতৰ বিজ্ঞান বিভাগে অহা ২৪ ঘণ্টাৰ বাবে চাম্বা, মাণ্ডী, হামিৰপুৰ, শিমলা, সোলান আৰু ছিৰমৌৰ জিলাত বানপানীৰ হালধীয়া সতৰ্কবাণী জাৰি কৰিছে। আজি বিলাসপুৰ, হামিৰপুৰ, কংৰা, কুল্লু, মাণ্ডী, শিমলা, ছিৰমৌৰ, সোলান, উনা জিলাৰ একাংশ ঠাইত ধাৰাসাৰ পৰা অতি ধাৰাসাৰ বৰষুণৰ সম্ভাৱনা। ৬ জুলাইলৈকে ৰাজ্যত প্ৰচণ্ড বৰষুণৰ সতৰ্কবাণী জাৰি কৰা হৈছে।

৪৪ জনৰ মৃত্যু, ৭৫ কোটি টকাৰ ক্ষতি

ৰাজ্যিক জৰুৰীকালীন অভিযান কেন্দ্ৰৰ তথ্য অনুসৰি ২০ জুনৰ পৰা ৩০ জুনৰ ভিতৰত বৰষুণ সম্পৰ্কীয় কাণ্ডত ৪৪ জন লোকে প্ৰাণ হেৰুৱাইছে, ৮৩ জন আহত হৈছে আৰু ৫ জন লোক এতিয়াও নিৰুদ্দেশ হৈ আছে।সোমবাৰৰ সন্ধিয়ালৈকে ৰাজ্যজুৰি ২৫৯ টা পথ বন্ধ হৈ পৰিছে, ৬১৪ টা ট্ৰেন্সফৰ্মাৰ কাম বন্ধ হৈ গৈছে আৰু ১৩০ টা খোৱাপানীৰ আঁচনি ব্যাহত হৈছে। এই পৰ্যন্ত ৰাজ্যৰ লোকচান হৈছে ৭৫ কোটিৰো অধিক।

হিন্দুস্থান সমাচাৰ / মনোজ কুমাৰ শইকীয়া