ভিয়েনা (অষ্ট্ৰিয়া), ১৫ মে’ (হি.স.)। ভাৰতৰ সৈতে হোৱা সামৰিক সংঘাতত পাকিস্তানৰ কোনো পাৰমাণৱিক সুবিধাৰ পৰা কোনো ধৰণৰ ৰেডিয়েচন বিকিৰণ হোৱা নাই। পাকিস্তানৰ পঞ্জাৱৰ কিৰানা পাহাৰত ভাৰতৰ সৈতে হোৱা সামৰিক সংঘৰ্ষত এনেধৰণৰ ফাদিলৰ দাবীক ৰাষ্ট্ৰসংঘৰ পাৰমাণৱিক নিৰীক্ষণ সংস্থাই তীব্ৰভাৱে নাকচ কৰে। পাকিস্তানৰ এই প্ৰতাৰণা আজি বিশ্বৰ প্ৰধান তথ্য আৰু যোগাযোগ মাধ্যমত চৰ্চা হৈছে।
ব্ৰিটেইনৰ আগশাৰীৰ কাকত দ্য ইণ্ডিপেণ্ডেণ্টৰ খবৰ অনুসৰি আন্তঃৰাষ্ট্ৰীয় পাৰমাণৱিক শক্তি সংস্থাই প্ৰকাশ কৰিছে যে যোৱা সপ্তাহত ভাৰতৰ সৈতে সামৰিক সংঘাতৰ পিছত পাকিস্তানৰ কোনো পাৰমাণৱিক কেন্দ্ৰৰ পৰা কোনো ৰেডিয়েচন লিকেজ হোৱা নাই। সপ্তাহৰ শেষৰ ফালে যুদ্ধবিৰতি ঘোষণা কৰাৰ পিছতে পাকিস্তানৰ পাৰমাণৱিক কেন্দ্ৰৰ সমীপত ভাৰতে আক্ৰমণ কৰা বুলি জল্পনা-কল্পনাৰ সৃষ্টি হৈছিল। তেতিয়া নতুন দিল্লীয়ে এনে জল্পনা-কল্পনাক সম্পূৰ্ণৰূপে নাকচ কৰিছিল।
---------------
হিন্দুস্থান সমাচাৰ / মনোজ কুমাৰ শইকীয়া
